"وش قــيــمــة الــغــالــي إذا مــا تـــغــلآآآ؟!"

دلع بس ولع

صد و تغلا ّ واحرق اعصاب مغليك
وش قيمة الغالـي اذا مـا تغـلا ّ

أبعد وطنّشني واذا قلت وش فيـك
قول الهوى لعبـه وحنّـا انتسـلا ّ

أبيـك بـاارد دم تقهـر محاكيـك
وانا اتضاهـر بالصبـر واتحـلا ّ

وان جيت يمّك .. مد عنّي خطاويك
من شيمة المقفي خطاويـه عجـلا

لا تلتفت لي لو أصـوّت واناديـك
وان طاحت الدمعه ترى العين خجلا

واذا التقينا صدفه وقمـت اراعيـك
راع ابطرف عينك وصـد وتعـلا ّ

وان قلت لك تكفى ذبحني تجافيـك
والقلب يا قلبي مـن الصـد مـلا ّ

قل بدري وطبطـب عليّـه بياديـك
وتل الخفوق بسهم الاعيـان تـلا ّ

نذراً عليّ لابيع هالكـون واشريـك
يا احلا من السكر ياابو عيون نجلا

وابوس راسك ثم اقبّـل خطاويـك
واستسمحك لو جاتنـي منـك زلا ّ

ولك العهد لو تحرق اعصاب مغليك
يزود ما ينقص غـلا مـن تغـلا