ان قلت لكـ ملعون لاتزعل ..

دلع بس ولع

اخذ قلبي يالغضـي والهديـة ماتــــرد
وانت ياسيدالهوى هات قلبك وازهلـه
لاتغرك وقفةالساق لــــو دونـك صمـد
والله ان الزلزلة فـــي عظامـه منزلـة
من يقول الطرف لا طالعك جاه الرمـد
والله يـــاغير العمـى مـــايغـرز بأكحلـه
جيت اغني لك وعد يا بعد عمري وعــد
ويوم شفتك ارتبكت وقريت البسملــة
يابعدروحي وش اللي بقى منكـم بعـد
ما ذبحنا بآخـــره وش نوصـف بــــأولـه
من تمـــره وانت لا برق ولاانــت برعـد
من يلــومه لــو تحلحل عليكـم حلــحلـة
من يلومه لو رمى ضافي الثوب وسجد
او بعد حتى طلع له على الــراس نخلة
لو تواصيف الحلا فيك يحصيها الـــعـدد
كان ابكتب من تهامة الى شعب جبلـة
من تعامى عــــن سنا نوركم ولا جحـد
كل نجم بـان يلفـي عليــــــــه ويسألـه
سحر بابل في حناياك صاحي ما رقـد
سلسلة من سلسلة سلسلة في سلسلة
طب وسط الملعبة طب يا فال السعـد
حط بقلوب الصبايـا سهـوم مرســـــلـة
كل عين ما تسمي بأسم واحـد أحــد
لا تهمـــك مثلـك الله خلـــقـه ويكفــلـه
يرجع الــماخوذ لــو عنكم بساعـة يلـد
يمكن انك نجمة الجدي وانــــا بوصلـة
كل حسن غيركم عندي ما قام وقعــد
ما جذبني حلو ريقه ودافـي محملـــة
أنت ايه انت انت يا بوح من قال وقصد
بالحروف المعجمة والحـروف المهملة
من يطولك عن مراعاة زولك مــا يصد
لو تفجر في محاني ضــــلوعـه قنبلـة
بس لا تزعل اذا قلت لـــك ملعـون جـد
عادتي لا شفت حلو الجمال العن هلـه