عاشق جروحي عطني بقايا روحي

وباريه وكميل لي

عاشق جروحي عطني بقايا روحي
السلام عليكم وتحياتي للجمع واسعد الله اوقاتكم
هذي اول مشاركه لي واتمنى تعجبكم
ان شاء الله اذا عجبتكم القصه راح انزل كل اسبوعين جزء
ولا تحرموني من ردودكم الغاليه










عند باب الطورئ المسعف يعطي العلومات للدكتور :
انثي 19 سنه حادث تصادم اصابه بالدماغ مع كسور مضاعفه باليد والرجل مع وجود ثقب برئه اليمنه

وبسرعه دخل الدكتور والممرضات المصابه داخل غرفه العمليات

وعلى صوت صياح جنب باب الغرفه
_ كل منك هذي عقوبه
: الله يخليك سكتي لا احد يسمعك
- يارب خذ روحي وارتاح من هذي المصيبه
: تكفين لا تقولين هذا الكلام
-شوفي نهايه شورك شفتي البنت وش صار لها احين وش اقول حق امي ابوي
: مادري مادري

السلام عليكم
البنات ينتبهون الى جهه الصوت
الضابط : من شكلكم واضح انكم تقربون للبنت المصابه اللي جات قبل شوي
ما احد رد عليه
الضابط : لو سمحتوا انتو تقربون لها
- ليه
الضابط : عشان نعرف هي مين وكيف صار الحادث
- ايه نعرفها
الضابط : صديقتكم
- لا اختنا
الضابط : وش اسمها
ما احد رد
الضابط : طيب وين السايق
ما احد رد
الضابط : لا حول ولا قوه الا بالله طيب وين اللرجال اللي كان معاكم ابي اتفاهم معاه
البنات بصوت واحد : ما كان معانا اي رجال
الضابط : اذا ما معاكم رجال مين كان يسوق السياره
بعد ما احد رد عليه
الضابط : طيب عطوني رقم بيتكم
البنات : ليه
الضابط : عشان يجي احد يستلمكم وبعدين لازم يجي رجال نتفاهم معا بخصوص قضيه اختكم
البنات : لا احنا بروح من غير ما احد يجي ياخذ نا والصباح نرجع لك
الطابط : اذا ما جا احد بضطر اتحفظ عليكم
- لا لا انا بتصل باخوي اخليه يجي
الضابط : طيب انا في انتظاره

مشاعل : انتي من صدق بتكلمين محمد
منال : انتي اخر وحده تتكلم وبعد لك عين تتكلمين
مشاعل وهي منهاره : ليه
منال :نسيتي ان كل هذا بسبتك انا الى الان ما ادري كيف ابلغ محمد
مشاعل : يا ليتني مت ولا احط اهلي في هذي الموقف يالتني مت يا لتني مت

في هذا الوقت طلع الدكتور وانتبهو له البنات وبسرعه راحو يركضون عنده
منال : تكفى دكتور طمني كيف حاله ملاك
الدكتور : انتي اختها
منال : ايه
الدكتور : بصراحه حاله ملاك جدا صعبه
مشاعل : كيف دكتور
الدكتور : لانها الان دخلت في غيبوبه نتيجه الاصابه اللي جاتها في الراس
منال : لا ... لا دكتور قول انك غلطان
الدكتور : للاسف هذي هي الحقيقه
مشاعل وهي تصيح من قلب : كيف كيف اقبل اهلي وش اقول لهم
الدكتور : لا اله الا الله اذكري الله وان شاء الله مافي الا الخير انتو عطوني رقم بيتكم وانا اقول لهم
منال : لا مشكور دكتور ما نبي نتعبك زياده انا راح ابلغهم

مشاعل راحت عند توئمها وضمتها بقوه وقعدت تصيح من قلب
منال : اذكري الله يا مشاعل يمكن الله ارد لك تعرفين الحقيقه قبل يصير شي اكبر
مشاعل : في شي اكبر من اني افقد اختي واكون انا السبب
منال ما قدرت تتحمل اكثر وقعدت تصيح مع اختها


ريم : محمد تكفى غير القناه
محمد : بس شوي واغير
ريم : يوه انا بروح اشوف فهودي
يرن جوال محمد قام يشوف مين المتصل
محمد : ياه شعندها منوله احنا في نفس البيت وتدق جوال
يرد محمد : هلا منولتي
منال بصوت مبحوح وكله حزن : هلا فيك
محمد: منال شفيك صوتك مو طبيعي
منال : ايه شوي تعبانه
محمد : تبيني اوديك المستشفى
منال: انا ...
محمد بصوت كله حنيه: ايه انتي شفيك
منال : انا في الستشفى مع مشاعل وملاك
محمد : ليه فيكم شي وكيف رحتوا
منال : انت تعال وانا افهمك كل شي بس لا تقول حق امي وابوي
محمد : مسافه الطريق واكون عندكم



محمد وهو طالع
ريم : على وين مبدل وطالع
محمد : منال اتصلت علي تقول انها في المستشفى مع مشاعل و ملاك
ريم : ليه شفيهم
محمد : ما ادري بروح اشوفهم بس انتبهي احد يدري
ريم : زين بس اذا وصلت عندهم اتصل علي طمني
محمد ان شاء الله





ام محمد : بومحمد انت نايم
ابو محمد : لا امري بغيتي شي
ام محمد : والله ما ادري وش اقولك بس قلبي ناغزني على البنات حاسه ان فيهم شي
ابو محمد : وانا بعد قلبي نا غزني قومي خلينا نروح نطمن عليهم
ام محمد : بس مو كان الوقت متاخر
ابو محمد : انا من مساع وقلبي مو مطمن بس ما حبت اخوفك قومي خليني اروح لهم عشان اطمن واقدر انام
ام محمد : شورك وهدايه الله



ريم وهي تراقب جناح عمها وعمتها وشفتهم وهم طالعين ومتجهين ناحيه جناح البنات و اتجهت لهم ركض

ريم : هلا عمي هلا بعمتي ليه قاعدين الوقت متاخر
ابو محمد : سلامتك يا بنتي بس حبينا نمر عليكم وعلى البنات نطمن عليكم
ريم : احسن ما سويتو حياكم عندي الجناح
ابو محمد : تسلمين وبعدين احين مو وقت ضيافه خلينا نطمن عاى البنات بعدين نروح نام
ريم : لا والله ما تروحون مكان الا تجون عندي وعشيكم بعد
ام محمد : ههههههه اخاف نزعجكم
ريم : اصلا انا قاعده لحالي ومتملله محمد وطلع مع ربعه والبنات نايمين
ام محمد : نايمين غريبه ينامون احين
ريم : ما الغريب الا الشيطان دام انهم نايمين خليهم يرتاحون
ام محمد : لا لا اكيد فيهم شي





عبد الله : بدر ليكون البنت ما تت
بدر : لا انا شفت الاسعاف جا بسرعه اكيد انها حيه
عبدالله : اخاف تكون ماتت
بدر : لا . لا ان شا الله ما ماتت
عبد الله : ليه يا بدر ليه سويت كذا
بدر : ما ادري حسيت ان ما عندي عقل ما قدرت اتحمل
عبد الله : انت اكيد مجنون وش ذنب البنت ليه سويت فيها كذا
بدر : بس يا عبدالله اللي فيني اكبر من انت تلومني
عبد الله : انت بغيت تقتل نفس بريئه وتقولي لا الومك
بدر وهوحاط ايده على وجهه: بس يا عبد الله يكفي يكفي



وصل محمد المستشفى لقى حواته قاعدين يصحون
محمد : السلام عليكم
منال +مشاعل : وعليكم السلام
محمد وهو مصدوم : ليه تصيحون وين ملاك
منال : محمد تعال معاي شوي
محمد : ليه شتبين
منال : ابي اكلمك
محمد : ما في احد غيرنا تكلمي
منال : محمد ...
مشاعل وهي تصارخ : لا ... لا وقعدت تصيح بقوه
مسكتها منال وضمتها : اذكري ربك يامشاعل اسم الله عليك
جاء الدكتور على صراخ مشاعل ودها الغرفه وعطوها مهدئ وبعد ماهدت ونامت
جاء محمد عند منال: منال
منال: نعم
محمد: تعالي معي برا الغرفه بكلمك
منال: انشاءالله
طلعو من الغرفه عند الباب
محمد:احين مشاعل وهدت ممكن اعرف ملاك وينها وليه مشاعل منهاره لهذي الدرجه
منال تتنهد وتظل ساكته
محمد عرف من تنهيدت منال ان السالفه كبيره
محمد: منال انتو خواتي مهما صار لاتتقعون اتخلى عنكم تكلمي واعدك انه مايصير الا الخير
منال : تعال معاي
ودته غرفه ملاك
منال بصوت مبحوح والعبره خنقتهالشرت على الباب :ملاك هينا نزلت راسها ملاك في غيبوبه
محمد والصدمه على ملاامحه يطالع القزاز والتفت على اخته حط ايده على راسه :م م ملاك في غيبوبه لييه وكيف
منال تصيح وتسندت على الجدار : صار لنا حادث واحنا جاين للمستشفى وتزيد بالصياح
محمد يمسك اخته ويوديها عند الكرسي ويقعدها عليه : طيب انت اهدي الحين
وبعد ما هدت منال شوي
محمد: الحين ممكن اعرف كيف جيتوا هينا
منال : مع السايق
محمد: والسايق وينه الحين
منال: السايق في غرفه الملاحظه لانه صارله كسر في رجله
محمد باستغراب : انتوكلكم في سياره وحده
منال بعصبيه: اكيد
محمد بعصبيه اكثر : ليه ملاك والسايق بس اللي تعورو وانت لا
منال بارتباك : هذي مشيئه الله هو الي سلمنا
محمد: منال هذا فلم هندي الكلام اللي تقولينه مايدخل العقل ماحد يصدقه
منال بخوف : هذا هذا الي صار انت كيف تصدق اولا
تقوم منال من مكانه وتمر من قدام محمد
محمد : وين رايحه
منال : بشوف مشاعل



محمد وهو يفكر كيف يبلغ امه و ابوه .... تذكر انه ريم وصته يطمنها طلع جواله ودق على ريم




ريم شافت رقم محمد وارتبكت
ريم : هلا محمد
محمد: امي وبوي نايمين
ريم وهي تتصنع الابتسامه : ياحليلهم قاعدين عندي ياليت كل ليليه يجون يسهرون معاي
محمد بخوف : انت قلتيلهم شي
ريم:لالالا تطمن فهد نايم
محمد : الحمد الله
ريم : الاشخبار خويك اللي في المستشفى
محمد: والله مادري شقول اخبار ماطمن
ريم: ليه عسى ماشر
محمد: ملاك صارله حادث وهي في غيبوبه
ريم انصدمت ماعرفت شتقول او تتتصرف
محمد: ريم ريم
ريم : هلاهلا معك
محمد انتبيه تتكلمين معاهم بئشي لين اجي
ريم: اوكي يحفظك الله
محمد : مع السلامه
ام محمد : من هذا اللي محمد رايح له الستشفى
ريم : واحد من اخوياه صار له حادث بس الحمد الله ماصار له شى مجرد رضوض
ام وبو محمد: الحمد الله
ابومحمد : الله يحفظك ياولدي ماخليت خويك ورحت تطمن عليه
ام محمد: وانت صادق
ابو محمد يالله ريم احنا نستا ذن بروح انام
ريم: تو الناس عمي
ام محمدوهي تغمز حق ريم : احنا بروح نسهر بروحنا
ريم : يحق لكم
ام محمد : تبين تقولين عنا شيبان لا تونا شباب
ريم : لا احنا الشيبان وانتو الشباب
وكلهم قعدو يضحكون على هذي الكلمه





جا الدكتور حق محمد : طبعا انت ولي امر البنات
محمد : ايه انا اخوهم
الدكتور : طيب تعال معاي العياده
ولما وصلو العياده
الدكتور : تفضل يا اخ محمد
محمد : مشكور
الدكتور : اولا راح اتكلم معاك عن مشاعل هي عندها انهيار عصبي نتيجه الحاث وزياده على كذا خوفها على اختها وكلها ساعات قليله وراح تخف ان شاء الله
محمد : ان شاء الله
الدكتور : ام بنسبه الى ملاك زي منت شايف جات الضربه في الراس مما ادي الى دخولها في غيبوبه وزياده على كذا اتضح لنا ان في اصابه ايضا في العمود الفقري وبصراحه متخوفين من هذ الاصابه
محمد بذهول : يعني اذا صحت ما في امل تمشي
الدكتور : لا انا ما قلت كذا احنا بس متحوفين ولسى ما تاكدنا لان دكتور الاعصاب في اجازه واحنا كلمنا عشان يجي لان الحاله طارئه واذا جا ان شاء الله يطمنا


محمد حط ايده على راسه موعارف يفكر حاس ان الغرفه تدور من حوله وصحا على صوت
الضابط : معليه اخوي ادري ان اعصابك تعبانه بس بسئلك كم سوئل عشان نقفل القضيه
محمد :تفضل
الضابط : الاسم






ريم : تكفين هيا تعالي وديني المستشفى
هيا : ريم وين اجيك في هذا الوقت اكيد محمد بزعل لما بشوفك هناك
ريم : لي ساعتين اتصل عليه ما يرد انا قلقانه
هيا : اكيد انه مشغول
ريم : اذا ما جيتيني باخذ تكسي واروح
هيا:مجنونه انتي وين تروحين واذا صحو عمي وزوجته ولا لقو احد في البيت
ريم : اوف والله مشكله ما اني قادره اتحمل
هيا : الا بذكر الله تطمئن القلوب ذكري الله وادعي ان يكنون بخير
ريم : يا رب





محمد : يا حضره الضابط انت شتقول
الدكتور + الضابط : ارجوك هد اعصابك
محمد : انت تعرف مين اللي انت قاعد تتكلم عليهم

ابو حسين

وباريه وكميل لي

قصة حلوة