بنت حاولت سرق خطيب صديقتها!!

حلى السعوديه

السلام عليكم..


موضوعي مهم واتمنى الكل يشارك ويقول رأيه..




بنت حاولت سرق خطيب صديقتها



كان في أب غني وبنته شيماء هذا الأب ماعنده غير بنت وحده وهي مدلله كثير
وامها توفت من يوم ولدت فيها..شيماء عاشت حياتها بدون أم,
شيماء كبرت وصار عمرها 24 سنه وقالت شيماء لأبوها ياأبوي ليش ماتتزوج أبي أخوان وخوات وترى الزواج من حقك,
قال الأب: لا يابنتي انا مابي اجيب لك عوار الراس وانا اصلآ مابي اجيب لك مرت أب وتضربك وتعذبك ولو ابي اتزوج كان تزوجت من زمان بدون ماآخذ رأي أحد,قالت شيماء يابعد عمري ياأبوي الله لايحرمني منك,
شيماء وحيده بس عندها صديقه تسليها اسمها:ماجده,
ماجده صديقة شيماء من الطفوله من يوم كان عمرهم 9 سنين وماكأنهم صديقات وبس لا كأنهم خوات,
شيماء تقول حق صديقتها ماجده كل أسرارها وترتاحلها وتحبها وتحترمها وماتعرف تمشي إلا معاها حتى تزورها بالبيت وتنام بالأسابيع,,
يوم من الأيام زارت ماجده بيت شيماء دخلت وقالت شيماء ابيكي تنامين عندي اليوم لأن ابوي بيسافر بيروح أسبانيا
قالت شيماء اوكيه مو مشكله بنام بس يومين مو أكثر ,
ماجده قالت حق شيماء ليش ابوك ماتزوج؟ قالت شيماء لأن ابوي يحبني ومايبي يجيب لي مرت اب عشان ماتعذبني وموناقصه انا بعد بهالعمر ابوي يتزوج..
قالت ماجده اسمحي لي هذي انانيه ومن حقة يتزوج قالت ماجده شكلك حاطه عينك عليه قالت لا شدعوه انا ابي اتزوج واحد صغير مو كبير,
ورجعت ماجده بيتهم بعد يومين,
وبعدها بيوم تقابلت ماجده بشيماء بالمجمع وقالت شيماء حق ماجده شوفي هذاك الشاب اسمه خالد ويحبني ويبي يخطبني , قالت ماجده من متى تعرفينه ومتى صار كل هذا الشي؟ قالت شيماء: من اسبوع وقلت له يتقدم لي اذا يبيني,,
ماجده قالت انا آخر من يعلم؟ انقهرت ماجده وقالت حق نفسها ياحظها بتاخذ واحد حلو وغني ياحظها,
تقدم خالد لخطبة شيماء واتفقو بإن الزواج بعد سنه على بال مايتعرفون على بعض,وصارت شيماء تطلع مع خطيبها خالد كل يوم ونص الوقت تطلع فيه مع صديقتها ماجده والنص الثاني تطلع مع خالد,
قالت ماجده لصديقتها عرفيني عليه بشوف شنو اخلاقه؟انا صديقتك واخاف عليك,قالت شيماء انا واثقه فيك واكيد بعرفك عليه,راحت شيماء وماجده يقابلون خالد وقال خالد هذي صديقتك قالت ايه روحي بروحها وصديقات عمر,
مر اسبوع وشيماء قالت حق صديقتها: تخيلي اسبوع ماسأل خالد عني؟ قالت يمكن مشغول؟ قالت ايه يمكن"
شيماء اتصلت بصديقتها وقالت خلنا نطلع اسبوع ماشفتك؟ قالت والله مشغوله, قالت شيماء كيفك,
صبرت شيماء اسبوع اسبوعين وقالت لا اكيد في شي زعلان مني يمكن؟ اتصلت عليه وقال انا مشغول
اتصلت شيماء على صديقتها وقالت: ماجده ابيك تكلمين خالد خطيبي وتقولين له شفيه يتهرب مني ومايكلم! قالت ماجده حبيبتي انا مشغوله امي مسافره وشغل البيت كله علي"
طلعت شيماء وراحت مجمع وقعدت في كوفي شوب وشافت شي مايتصدق أبد " ايش شافت ياترى ؟
؟
؟
؟
شافت خطيبها خالد مع صديقتها ماجده قاعدين مع بعض بالكوفي شوب وظلت تراقبهم 3 أيام وهم يطلعون البحر والمجمع والكورنيش"
راحت شافتهم اليوم الثالث بالكورنيش وهزئتهم وقالت ياخالد هذي الدبله مابيها
و يا صديقتي هذي هداياتك مابيها
وانا ندمانه اني صادقتك و وثقت فيك ياخاينه,
قالت ماجده وبكل برود ياشيماء حبيبتي أصلآ خالد اللي كان خطيبك فسخ الخطبه معاك من زمان وانتي ماتدرين وهو صار الحين خطيبي"
انهارت شيماء وبالآخر قالت بالعافيه عليك خالد,والله لايوفقك لا دنيا ولاآخره
ندم خالد على اللي سوته ماجده في شيماء وقال انا كنت حاسب اني احبك ياماجده لكن بأسلوبك الوقح معاها وخططك انا بقولك اني اكرهك وماتوقعتك كذا وانا احب شيماء بس الظاهر انك مسويه لي عمل و سحر وأعوذ بالله منك بس رجعت لعقلي وشيماء لي,
وحاول خالد يرجع شيماء بأي طريقه وأي ثمن اليييييييييييين مارجعها وقال لشيماء انا ندمان سامحيني,والواحد مايعرف الغلط من الصح ولا الصح من الغلط إلا إذا غلط,
ورجعت شيماء لخالد بعد مده على بال مانست اللي صار لها وتزوجت وعاشت حياتها,
وماجده ندمت ندم كبير واعتذرت من شيماء وقالت انا كنت أنانيه ومافكر الا بنفسي سامحيني بس شيماء قالت لها انتي حلم وانتهى وانا نسيت شي اسمه ماجده والصداقه لامعنى لها اذا كانت صديقة عمري خاينه..



نصيحه
بليز احذرو ولاتثقو كثير صحيح الصداقه شي حلو في الحياة لكن مثل هذه الأمور تحصل كثير ولاتثقون بالصديقه ثقه عمياء
انتبهو..
ترا الصداقه شي جميل وانا موماخذه من الصداقه موقف بس اللي يسمع قصص الناس لازم يتأثر وياخذ حذره ولاتقولين انا صديقتي غير و ماتسوي كذا
موشرط يمكن تتغير وتتمسكن الين ماتتمكن..
نصيحه من أختكم وتحياتي لكم ..

. . . . . . .

رفيجة حلى

سـ الاحزان ــر

القصه روووووووووووووعه يعطيك الف عاااااااااااااااااااااافيه

تقبلي مروري

ســـــــــ الاحزان ـــــــــر

حلى السعوديه

تسلميييييييييين رفيجة حلى عالمرور حبيبتي

حلى السعوديه

يسلمووووووو سر الأحزان