--|علم غرورك عزتي مالها حد|--

فتاة الشرق

--|علم غرورك عزتي مالها حد|--

هذي قصيدة وجدتها فأحببت ان انقلها لكم ..


إن كان تحسب عزتي تحت أياديك ....علم غرورك عزتي مالها حد

وإن كنت بايعني وأنا قبل شاريك....اليوم أبيعك وأقطع الوصل وأصد

لاتنخدع في كلمتي ياهلا فيك ....ولاتنخدع لو قلت حبك تجدد

أول ترى بالهجر ماني بناويك....مستبعد إنك تنكر الحب والود

لين إنكشف قصدك وبانت مواريك....طعنتني والغدر من صوبك إشتد

كم قلت لك مليون مره ترى أفديك ....لاكن حسافه غلطتك دوم تجحد

وكم قلت لك إحذر من إني أجافيك....لاتزيد غلطاتك ترى الحال منهد

لاكن هذا إنت طبعك يوديك....إنت الخيانه والغدر فيك مولد

تقدر تجيب القمر تحت رجليك ....وتقدر تحط الشمس على راحة اليد

وتقدر تذل قلوب نفس تداريك....وتقدر تجيب من الحجر مويت الورد

لاكن لوجيتني مع أولك وتاليك....مع القمر والشمس مع مويت الورد

ماتهز شعره في قلب من يحاكيك....عند الكرامه كل شئ وله حد

عند الكرامه نمشي بدرب المهاليك ....نارد حياظ الموت لاكم لاعد

من قبل حبك فوق عرش المماليك ....واليوم حبك تحت رجلي تمدد

روح في دربك عسى الله يهديك ....سافر ترى مثلك خساره به الود

وأنا بعد هاليوم ويش أبي فيك....بدور اللي يحفظ الحب من جد

واليوم أنا يادفتري جيت أعزيك ....زمان ماشفتك ياقصيدي توجد

هات القلم أبغاك تشكيلي وأشكيك....إنت الخوي وخابرك ماتبيح السد

أبيك تقول لكل مغرور يجافيك .... --|علم غرورك عزتي مالهاحد|--

اميلووو

[align=center]فتاه الشرق

ربي يسعد قلبك اميرتنا الغاليه ,,,

بجد قصيدة رائعه ,,,تحمل المعاني الساميه ,,,

لروح تعطرت بروائح الزهور الزاهية ,,,

دمت غاليتي متألقة ,,,وصح لسانها ,,

وسلمت تلك الانامل الذهبية [/align]

فتاة الشرق

مشكوووووووووووووووور اميلوو ع مرورك لصفحتي

وع بصمتك الحلوووة فيها

منووووووووووووور..