((الحب الأعمى))

حلى السعوديه

السلام عليكم ورحمة اللله وبركاته..
آنا عندي قصه واقعيه وليست خياليه هذي القصه صارت بالأردن أنا سمعت فيها..
إقرو القصه وماراح تخسرون شي..
إسم هذي القصه: الحب الأعمى..

((الحب الأعمى))

كان في واحد إسمه:زاهر عمره 20 سنه وبنت عمه إسمها:هاجر وهي كمان عمرها 20 سنه و زاهر أكبر من بنت عمه ب 6 شهور كانو يحبون بعض حب طاهر وانخطبو لبعض واهلهم قررو يزوجونهم لبعض لمن يخلصو جامعتهم .. زاهر و بنت عمه هاجر في جامعه وحده وقسم واحد دخلو قسم الإنجليزي وقررو يكونو بيد وحده ويجتهدو عشان لما يخلصو جامعه يتزوجو
وأهلهم كانو دائمآ يقولو زاهر لهاجر وهاجر لزاهر
يعني كانو مضمونين لبعض
ومع مرور الأيام مات جد زاهر اللي هو طبعآ جد هاجر الله يرحمه وكان جدهم عنده ورث كبير وكتب وصيه لهم ..
كتب في الوصيه إن كل واحد راح ياخذ حقه النص بالنص سواء رجل أو إمرأه أو صغيركم أو كبيركم راح ياخذ ثلاث مية ألف وانا قسمته بالحق وليس بالباطل وأما العمارات اللي بنيتها تبرعت فيها للفقراء وأما السوق والشركات راح يديرها أبو زاهر لانه أكبر من أخوه أبو هاجر وانا سويت اللي يريح ضميري.. ومن بعدها ابو هاجر زعل وأم هاجر تضايقت قالت ليش ماعطى ابو هاجر ليش عطى التوكيل حق ابو زاهر هذا حرام هذي أنانيه..وبعدين تهاوشو الأهل على الورث وبعدها على طول قالت أم هاجر لاتطلعين مع ابن عمك افسخي خطوبتك منه لاتتزوجيه هاجر رفضت وقالت انتو ليش أهم شي عندكم الفلوس؟ طيب والحب ماله أهميه عندكم؟ أهل زاهر بعد منعوه من هذي الزواجه وقالو له افسخ خطوبتك منها قال زاهر مستحيل طلبكم مرفوض بنت عمي لي وانا لبنت عمي وانتو عارفين اننا نحب بعضنا ولمن صار نزاعكم على الورث تبغون تفرقون بيننا؟ شنو ذبنا وذنب الحب اللي بيننا؟
قال ابوه بحرمك من اي شي تبغاه.. قال زاهر الحمدلله الورث اللي عطاني اياه جدي مكفيني..
ولمن راحو زاهر وهاجر الجامعه كنو مره حزينين وقال زاهر حق هاجر ياهاجر احنا لازم نشوف طريقه إحنا الحين بقسم الإنجليزي وبالسنه الأخيره وباقي على الإمتحانات النهائيه شهر لازم نذاكر ونكذب على اهالينا ونسوي نفسنا ان احنا تركنا بعض علشان مانبغى مشاكل لكن إذا خلصت الإمتحانات صدقيني بعد شهر بنتحداهم ونشتغل وناخذ لنا بيت بعيد ومحد راح يتكلم.. وافقت هاجر ..
ولمن خلصو الإمتحانات قررو زاهر وهاجر يدورو على شغل وكان أملهم يصيرو مدرسين إنجليزي في مدرسه وحده
ويوم من الأيام قالت جا عريس يبغى يخطب هاجر وقالت ام هاجر هذا العريس أحسن من زاهر كثير وعنده ملايين وخطوبتك وكتب كتابك بعد شهرين قالت هاجر لا مابيه انا ابغى زاهر وبس أمها صفعتها وضربتها كفوف..
وزاهر عرف بالموضوع وقال لها لاتيأسي لازم نعمل شي لاتخافي انا معك
..طلعت هاجر من البيت واتصل فيها عالموبايل زاهر وقال لها انتي وين قالت انا رايحه بيت هداك الشخص اللي مصمم يبغى يتزوجني انا رايحه اقول له رافضته وابيه هو من نفسه ينسحب قال زاهر لا لاتروحي لكن اصرت تروح
وزاهر قال لنفسه انا لازم اروح لأني حاسس بشي يصير..
راحت هاجر لبيت هذا الشخص ودخلت وقالت له ممكن نتكلم قال لها اكيد قالت انتا ايش تبغى مني انا ماحبك انا احب ابن عمي ايش عاجبك فيني؟ ترضى تتزوج وحده وهي تحب ابن عمها؟ قال لها انا محد يرفضني انا الكل والجميع يتمناني قالت طيب انسحب ياخي انت ماعندك كرامه؟
راح هذا الشخص وانقهر منه ومن كلامها راح يشد شعرها وكان يبغى يغتصبها بس الحمدلله ان زاهر جا وانقذها وبعدين راحت هاجر مع زاهر عند الماذون عشان يكتبو كتابهم وهم تزوجو بالسر بدون علم أهاليهم وأمل هاجر قالت حق بنتها انتي بتتزوجين هذا الشخص الغني بالذوق والا بالقوه يعني بتتزوجينه قالت بنتها هاجر شلون اتزوج اثنين تبين يقطوني بالسجن؟ ولمن امها وابوها سمعو هذا الكلام قالو شقصدك؟ قالت انا وزاهر تزوجنا راحو اهلها يضربوها بقوه وكانو بيقتلوها بس هي قدرت تهرب و اتصلت على زاهر قالت له السالفه وقالت له ان هي هربت وهي الحين عند المطعم الفلاني واجا لها ومن بعد ماجى لها هي اغمى عليها بسبب الكدمات والضرب اللي تعرضت له من اهلها..
راح زاهر للمستشفى عشان ينقل هاجر ويسعفها بسرعه وقالو حق زاهر انت زوجها قال ايوه انا زوجها طمنوني عنها ايش فيها؟قال الطبيب انا مضطر ابلغ الشرطه لأن هذا شي صعب اخفيه
اتصل الطبيب على الشرطه واجو الشرطه وشافو المريضه وسالوها وقالو لها قولي لنا مين اللي ضربك؟ هذا ترا تحقيق مولعبه..قالت محد ضربني أنا طحت من الدرج وتكسرت رجلي وبس..
قال زاهر ياحضرة الشرطي انا زوجها وانا بقولك مين اللي ضربها وكسرها وقال امها وابوها اللي ضربوها وكسروها عشان مايبونا نتزوج مع ان هم اللي علقونا ببعض وخلونا نحب بعض وشلون تبينا نترك بعض؟ الحب ماله قيمه؟.. راح الشرطي واستدعى الأم والأب وحكم عليهم بالسجن ست أشهر بسبب تعذيبهم لأبنتهم هاجر
بس هاجر حزنت على اهلها مع انهم عذبوها وضربوها وهاجر عندها اخوها الصغير عمره 16 سنه خذته معاها عشان يعيش معاهم وعاش زاهر مع هاجر واخوها الصغير علي بسعاده وحب ..
وبعد ست شهور خرجو امها وابوها من السجن وكانو ندمانين على اللي عملوه بهاجر ابنتهم وكانو يبغون يعرفون وين ساكنه هاجر وين خذت علي؟ خسرو ابناءهم..
هم سكنو بمنطقه بعيده منهم عشان يبغون يعيشون بسلام وهذوء وحب..
وبعد مرور 5 سنوات قرأت هاجر بالجريده بوفاة ابوها وراحو يحضرون العزاء وصارو احسن من اهاليهم وقالت هاجر حق امها انا بسوي فيكي خير وباخذك معاي لأنك امي بس لاتنسين انك انتي ماسويتي لي غير الشر والحين راح تسكني معانا وراح اعرفك على عيالي اللي انجبتهم من زاهر زوجي بعد مروري 5 سنوات من عمرنا جبت اربع أطفال..
سميت بنتي خديجه على إسمك ياأمي وسميت ابني صلاح على إسم ابوي الله يرحمه وسميت ابني الثاني يونس على حماي ابو زاهر وسميت ابني الثالث محمد على نبينا محمد صلى الله عليه وسلم..
أتمنى تكون القصه أثرت فيكم
شفتو كيف بعد مرور 5 سنوات البنت راحت تدور امها..مع ان اللي سوته فيها مو شويه..
قولو لي شرايكم بالقصه؟

رفيجة حلى

حلوه اكيد بـــــــــس الام مهماتسوي في ابنائها مو نقول لهم احنا بنسوي فيج خير مع ان اللي سويتي فيني كله شر لان الام مستحيل تسوي شي لأبنائها يضرهم وتقبلي رأيي ودي اكمل بس انا احب الاختصار (حلى السعوديه وحلى الكون كله)

نزار المصري

القصه جميله منك حلى رغم حزمى وبكائى وانا بقرأ.... لكن هاهنا الحب دائما اذا كان نزيها وطاهرا الله بيوفق اصحابه... المهم ايش ربى كاتب عنده

اختى قصتك تتكرر كل يوم فى كل الاقطار العربيه التى يحكمها الجهل والطمع

الله يكون معك ويوفقك فى حياتك

حلى دائما متميزة.... تقبلين اخ اكبر ليك لك كل التقدير

هلالي شيحه

شكرا على هاذه القصه المثيره واعيد شكري شكراً

@ امبراطورة @ ج

شـكــ وبارك الله فيك ـــرا لك ... لك مني أجمل تحية .

تبرارلات لا