sms في نص الليل ..... يا لهوووووووي

sms في نص الليل ..... يا لهوووووووي


أدخل برجلي اليمين و ربنا يجعل دخلتي خفيفة عليكم يا بنات يا حلوين و يا ستات يا سكرات
ازيكن عاملين ايه؟
جاية اكلمكن النهاردة عن الغيرة و الفرق بينها و بين الشك و في المقابل الطيبة و الفرق بينها و بين الخيابة

بمعنى
مش مفروض الواحدة مننا تغير على جوزها و تخنق اللي خلفوه و تشك فيه
و لا تبقى طيبة و ساذجة و تسيبه يلعب من ورا ضهرها
بس الست الشاطرة اللي تخلي حمادة يلعب
بس قدام عنيها
علشان لو لقته بيلعب مع عيال شريرين تندهله و تقوله
كده عيب يا ميدو

اول نصايحي

1
اوعي من السايلنت

اه حاكم الراجل من دول يدخل البيت من هنا يقوم قالب الموبيل على السايلنت
ليه يا حبيبي
اصل مش عايز ازعاج

يبقى كده هو بيلعب في عداد عمره و في حد او حداية بترنله و هو خايف يتقفش و في جيبة البت
لذلك خالتي قالتلي في المثل


اوعي السايلنت و اقلعي الجذر قبل ما ينبت

2
الاوفر تايم

لما جوزك يقولك عندي اوفر تايم يا حرام بيجري على لقمة عيشه لبسيه و هندميه و بعد ساعه في شغله اتصلي بيه
يوه اصلك نسيت تقولي حتتعشي ايه يا ابو سامية
و لو لقتيه يبقى براءة و لو ملقيتهوش اهي فرصة تلحقي تشتري الاكياس و تسني الساطور و مقلكيش على الباقي بقى
حاكم قالوا في المثل
الاوفر تايم ميخلش الا على البال النايم

3
زوجي انترنتاوي

لا يا ماما لا اصحي و فوقي و تحتي
الزوج الانترنتاوي ده نوع خطير نشأ في غابات القرن الواحد و العشرين و يتميز بتعدد البي إمات و تشكيل الايميلات و شحن البطاريات و اللي يشوف سلمى حايك متعجبهوش فوزية الونش و لا اية!بصي يا ستي
الحل كباية مية
ايوة كباية ماية و من الحنفية كمان
اول ما تطفي البي سي و تشيلي الفيشة يا ضنايا
تيجي علي الباور سبلاي كده و تش
و كل عام و انتم و اقل باور سبلاي في السوق بكام اليومين دول
قوم ينهد و يتوكس و ينام من المغرب

و قالوا في المثل
اللي تشات بيه احسن تفطر بيه
و لا اية



---
انا حبيت اهدي النفوس بس
قبلاتشي


بقلم / كلبوظة لكن سمباتيك