قصيدة من انشائي لأطفال العراق

قائد الفرسان

فتح عينه الطفل والكحله بارود
وسمع صوت القنابل والشواجير
فتح عينه المنايه اعله الروازين
وعلى الحيطان مدگوگه ابسامير
هل دمعه حزن ذوبـــــت جـلـمود
من يسمع صده لكل يوم تفجيــــر
كل ضنه الشوارع تحضن اطفال
شي تلعب دعابل شي تصاوير
وكل ضنه الحدايق تزهي بورو
د وعلى الاشجار تتربه العصافير
ماشفت الاريده والعكس صـــار
شفت دخان من طين التـنـانــيــر
شفت طلقات بچفوف اليـكـتـبون
على الحيطان كل ضنهم طباشير
نواعير العذب مادارت ألــمـــــاي
غدت بدمومنه ادور ألنــواعــــير
مناشير الخشب ماگصت أللوح
غدت بضلوعنه تگص ألمناشير
يمه من ارد أنامن خلي نــاطـور
تگلي الخوف يمه من النواطير

__________________