املي في الحياة

اسير الحزن

اسير الحزن

الجزء العشرون:


لما كانت السياره بتصدمها دزها جواد ادحرجوا اثنينهم هي صارت على الأعشاب القريبه لشارع اما هو اصتدم راسه بعمود الكهربه حق الشارع والدم الي كان فيها دمه.

كان شكله مايوحي اذا كان عايش أو ميت.

ساره دموعها طاحت سيلان:جواد .. هزته .. جواد كلمني جواد قول شي .. تكفى لاتموت لاتخليني .. سوي الي تبغاه عذبني انشر صورتي افضحني سوي الا تبغاه بس لاتموت لاتموت .. جواد أحبك لا تموت قبل ماتسمعها ولله أحبك جوااد جـــــــــــــــــــــواد.

رفعت راسه عشان تمسح الدم الي على وجه شافت اياديها كلها دم ماقدرت تتحمل منظر الدم حست بدوار طاحت...........


فتحت عيونها طالعت المكان رفعت نفسها .. أني في المستشفى.
دخلت لها الممرضه:دانتي اصحيتي.
ساره بسرعه:وين جواد؟؟
الممرضه:قصدك الراجل الي كان معاكي .. داه من أول ماجابوه وهو في حاله خطيره اوي خسر دم اكتير خالص.
ساره قامت من السرير لبست عباتها:وديني له.
الممرضه:بس انتي لساتك عيانه.
ساره حقرتها مشت.
الممرض راحت وراها:دانتي ماتقدريش اتشوفيه .. هو لساتوا في غرفة العمليات.
ساره:العمليات!!!!!!!!!!!!!!!!!!!!!
بدت ادموعها اطيح على خدودها .. الممرضه حاولت اتهديها.
الممرضه:انتي اقعدي مكانك وأنا حاروح اندهلك الشرطه.
ساره:الشرطه!!!!!!!!!!!!!!!!!!!!!!
الممرضه:ايوه هم لازم يعرفوا كيف وقع الحادث.
طلعت الممرضه .. ساره راحت عند الدريشه اتصيح بهدوء .. حست بحد وراها لفت على طول حضنته صاحت.
سلمان يبين من صوته أنه تعبان ومهموم:ساره خلاص هذا قضاء وقدر.
ساره اتصيح:كل مني أني اسبب.
سلمان:لا ساره لااتقولي جذي أنتي مالش خص.
ساره من سمعت كلامه زاد اصياحها.
ساره اتصيح:كله مني كل مني.
سلمان: انتي ليش امحمله نفسش اسبب الي صار لهم مالش دخل فيه.
ساره رفعت راسها:أنت عن من تتكلم.
في هالحظه اندق الباب .. سلمان راح ايشوف من في الباب رجع لها:ساره ليش الشرطه يبغوا ايحققوا معاش .. قالي الشرطي الي برى عشان الحادث بس اي حادث.
ساره استغربت اذا مايدري عن الي صار لها ولجواد عجل عن شو كان يتكلم وعلى ويش يهديها.
ساره:الي صار لي ..نزلت راسها.. ولجواد.
سلمان:شو صار لكم؟!
ساره:انت ماتدري؟؟!!
سمعوا دق الباب مره ثانيه.
سلمان:اتغطي الشرطي بيحقق معاش.

ساره اتغطت وهي اتفكر اذا مايدري عن الي صار ليش ايهدئها ومن الي كان يتكلم عنهم.

الشرطي حقق معاها وقالت له كل شي بس ماقالت شي عن الصوره.
ساره بعدها اتصيح:و صحيت لقيت نفسي اهني.
سلمان مستغرب:وجواد وينه الحين؟؟
ساره بنبرة اصياح:قالتلي الممرضه في غرفة العمليات
الشرطي:طيب وين ولي أمرك؟؟
سلمان قبل ماترد ساره:أنا ولي أمرها.
ساره مع أنها كانت اتصيح بس استغربت جواب سلمان:لا ابووليد ولي أمري .. هم بعدهم مايرجعوا من المطار خالي راح ايوصلهم.
سلمان انصدم ماكان يدري أن ماحد قالها.
الشرطي:دحين من ولي أمرك؟؟
سلمان:أنا.
ساره طالعته من ورى الغطى باستغراب ..ليش يصر أن هو ولي أمري؟؟
سلمان اتفاهم مع الشرطي و تركهم بروحهم.....
ساره شالت الغطى:ليش قلت أنك ولي أمري؟؟
سلمان قعدها على السرير وهو مو عارف من وين يبدئ:ساره أنتي عارفه سنة الحياه وكل انسان مصيره ايموت(ساره طاحت ادموعها ماتدري ليش) وانتي انسانه مؤمنه أبربش
اندق الباب مره ثانيه.
سلمان اتنفس بعمق راح يفتح الباب .. دخل ابو جواد وكانت حالته حاله.
ساره على طول راحت له:أكيد كنت عند جواد طمني.
ابو جواد بصوت مبحوح:بعده في العمليات محد طلع من عنده.
ساره صاحت:كله مني كل مني .. وين أمي أبغى أشوفها حتى وأني في المستشفى ماتعبت نفسها اجي تطمن علي .. وين هي؟؟
سلمان: ساكت.
ابو جواد:!!!!!!!!!!!!!!!!!!!!!!!!!!!!
ساره اتصرخ:ويش فيكم ساكتين؟؟
سلمان:ساره اهدئي واسمعيني
ساره اتصيح وتصرخ:مابهدء قولولي وين أمي وين وليد ليش قلت أنت ولي أمري وجوهكم مااطمن.
ابو جواد:ساره اهدئي و
ساره قاطعته:هاه بهدء يلا قولوا لي .. قعدت على السرير هزت رجلها اليمين بتوتر.
سلمان قعد امقابلها على الأرض:الله امرنا بالصبر وانتي أنسانه مؤمنه ولازم تصبري
ساره تقاطعه:لا أنت تكذب ماصار فيهم شي .. خالي قول شي.
سلمان يطالع الأرض:لما اتصلوا لي كان جوالي مو عندي من جذي مارديت فتصلت أمش على ابوجواد يجي ياخذهم بس الظاهر انهم ماقدروا ينتظروا فأخذوا تكسي ..سكت اشوي كمل كلامه..صدمتهم سياره ابو وليد مات على طول لكن أمش و وليد ..ماتوا في المستش
ابوجواد ايصرخ:ســــــــــاره.
سلمان رفع راسه شاف ساره طايحه على السرير.
ابو جواد حاول ايصحيها:ساااره ساااااره .. روح نادي الدكتور.
سلمان طلع ابسرعه.
ابو جواد بطحها على السرير عدلها و عدل احجابها.

جى سلمان ومعاه الدكتور .. الدكتور قالهم أنها مغمى عليها ولازم يتركوها ترتاح لأنها ماتتحمل صدمات.

تركوها راحوا لهادي الي كان عند غرفة العمليات الي فيها جواد وكان في حاله لا يرثى لها........
ابوجواد:ماحد طلع؟؟
هادي كان ضام رجليه حاط وجه بينهم:لا ..رفع راسه.. كيف حالها؟؟
ابوجواد قعد على الكرسي:اغمى عليها مره ثانيه.
هادي بوجه خالي من المشاعر:ليش؟؟
ابوجواد:ماقدرت تتحمل موت اهلها كلهم مره وحده.
هادي اتفاجئ:اهلها!!!!!أنا الي اعرفه ان زوج أمها هو الي مات.
ابوجواد اتنهد:وأختي و وليد ماتوا في المستشفى.
هادي رجع الى نفس وضعيته الاكان عليها:الله يرحمهم و يساعدها.
سلمان كان طول الوقت ساكت يفكر في وضع ساره الي يقطع القلب وحال جواد الي ماحد يدري عنه شي.

طلع الدكتور من الغرفه على طول راحوا له....
ابو جواد:هاه طمنا.
الدكتور:أنت ابوه.
ابوجواد:هيه.
الدكتور:بصراحه حالته خطيره وممكن ان يكون عنده ارتجاج بالمخ أو يفقد ذاكرته وطبعآ في أحتمال كبير أنه يدخل في غيبوبه لأن من أول ماجابوه وهو مايتحرك في جسمه غير قلبه حتى تنفسه بطئ.
ابوجواد:غيبوبه!!!!!!!!!!!!!!!!!!!!!
الدكتور:من الي جابه؟؟
هادي:أنا.
الدكتور:شفته يتكلم أو يتحرك؟؟
هادي بكل حزن:لا.
الدكتور:ماراح تقدروا اتشوفوه الحين.
ابو جواد:ليش؟؟
الدكتور:غير العمليه الي سويتها في راسه يحتاج لعمليه في رجله اليمين وأشعه في يده اليسار لأنها يمكن انكسرت.
هادي:عمليه في رجله!!؟؟
سلمان:ليش؟!
الدكتور:لأنه كان حاط جواله في مخباه ولما صار الحادث اتكسر الجوال ودخلت في رجله قطع منه وهذا خطير ممكن اسبب له تتسمم أو شي ثاني.
تركهم الدكتور في خوف على مصير جواد.
هادي قعد على الأرض من الصدمه و صاح صاح على ولد خالته الي يحبه أكثر من اي شي الي كان الأخ والصديق وكل شي بدنيا تذكر كل ايامه معاه لعبهم ضحكهم مسخرتهم حتى زعلهم كانوا لما يتزاعلوا يتصالحوا في نفس اليوم كل اسرارهم عند بعض حتى اطباعهم نفس الشي تذكر لما خبره بحبه لشيماء تذكر كيف اصر عليه جواد انه يتعلم على البيانوا حتى لما سافر جواد كانوا يكلموا بعض كل يوم تذكر لما قاله جواد عن حبه لساره تذكر احساس جواد لما قاله انه حاس على شي بيصبيه .. رفع راسه:عمي جواد كان حاس حاس بس هو وعدني ماراح نفترق وعدني يحظر عرسي وانا بحظر عرسه هو بيصحى لازم يصحى لازم يسمعها اتقوله أحبك هو يحبها صدقوني.
ابوجواد مع انه مو فاهم شي من الي يقوله هادي نزل لمستواه:بس ياوليدي انت رجال كون اقوى من جذي شبقيت للحريم.
هادي:ماقدر ماقدر جواد أكثر من اخوي هذا جزء مني تعرف يعني شنو يعني لو ينفصل عنك شي اكيد بتموت وانا مابي اعيش من دون صديق عمري.
سلمان:انت ادعي له يقوم بالسلامه.

هادي كان أكثر شخص متأثر لأنه شاف الدم الي طلع من جواد وكيف كان وجهه مايبين من كثر الدم.

بعد ربع ساعه جوا لهم ابو اسعد واسعد وام جواد شيماء دانه .. طبعآ سوو المستشفى مناحه صاروا ايهدؤ الأولى اتصيح الثانيه ايسكتوا الثانيه تقلبها مناحه الثالثه .. ابو جواد قالهم يروحوا غرفة ساره بعذر أنها لما تصحى لازم تلاقي أحد بجنبها ولأن قعدتهم مامنها فايده .. دانه وشيماء راحوا بعد اقناع منه بس ام جواد مارضيت اتروح.

بعد سبع دقايق جت لهم دانه اتصيح:الحقوا على ساره.
ابوجواد وام جواد راحوا مع دانه لكن سلمان راح معاهم بس بقى برى لأن شيماء ودانه داخل.

لما دخلوا شافوا شيماء اتصيح والممرضه مو عارفه ويش اتسوي اما عن ساره فكانت قاعده على السرير وفال شعرها.
ساره تهز راسها تغني:ماما زمنها جايه جايه بعد اشويه جايبه معاها حجات هههههههه.
نطت من السرير:خالي خالي ماشفت ثوب عرسي ..أخذت الشرشف الي على السرير لفته عليها .. عيب لا اتطالعوا البس ثوبي.. أخذت واحد ثاني من الموجودين حطته على راسها .. شوفوا طرحتي طويله .. طالعت نفسها في المرايه الموجوده .. الله اهبل مكياجي مره احليوا.
الممرضه حاولت تتقرب منها.
ساره:لا تقربي انتي تبغي اتبوقي ثوبي اكيد عجبش هههههههه .. شوفوا شوفوا أمي جت أكيد تبغى اتودعني وتحضني .. يووه كاهوا ابو وليد جايب جواد هههههههه.
ام جواد ماقدرت تتحمل منظر ساره على طول طلعت أما دانه وشيماء فكانوا ايصيحوا على حالها الي يقطع القلب بنت في مثل عمرها اتعرضت لأربع صدمات في يوم ماتوا اهلها كلهم و الأنسان الي اتحبه ماحد يدري عن مصيره.. ابوجواد ما قدر يستوعب الحاله الي فيها ساره كان جامد في مكانه.
ساره لبست عباتها شافت الدم الي في كمها:يمه دم ..بدت ملامحها تتغير.. هذا هذا جواد .. هيه هيه هذا فيمتو جواد كت علي الفيمتو .. ركبت على السرير اتناقز .. شوفوا وليدو يعفس سريري جذي .. وقفت حكت شعرها حطت اظفر صبعها بين اسنانها .. بس بس وليد خلاص بح مات هههههه مات و أمي خلاص مافي أمل تعطيني حنان حتى وابو وليد بح صار مافي ابو وليد ههههههاي مافي و و جواد ماأدري صار مافي لو في .. راحت لأبوجواد:خالي خالي متى جواد بيصير بح عشان أني اصير بح هههه
الا وجيها كف من سلمان بكل قوته.(سلمان ماقدر ينتظر برى خصوصي لما سمع الي كانت اتقوله)
طاحت على الأرض .. سلمان قعد على الأرض جنبها مسكها من اكتافها:حرام عليش الي اتسويه بنفسش ارحمي حالش .. حضنها وصاحت في حضنه لين اغمى عليها مره ثالثه.

حملها بطحها على السرير:قعدوا معاها .. طلع برى.
شيماء الدموع في عيونها:و جواد؟؟
ابوجواد:بنخبركم اذا صار شي .. طلع شاف سلمان واقف.
ابوجواد:الله يكون بعونها.
سلمان من غير مايحس طاحت دمعه من عينه الي يصير لساره ذكره بنفسه أنسان وحيد عايش من دون أبو ولا أم ولا حتى أخوه ماحد يملي حياته غير ساره حتى الأنسانه الي يحبها مو قادره تنسى الي سواه.
سمع صوت جوال ابو جواد فقطع حبل افكاره.
ابوجواد:هيه .. بس يابوفاضل ماأقدر اترك ولدي بهالحاله .. خلاص جايك الحين.
ابوجواد:بيدفنوهم.
سلمان:بروح معاك .. طلعوا من المستشفى راحوا مع بعض.

..........

بعد ثلاث ساعات صحت بس هالمره ماابدت اي انفعال ظلت ساكته ماتكلمت ولاكلمه كانوا يسألوها اذا تبغى شي مثلآ ماي او يسألوها عن حالها بس هي ماكانت اتجاوبهم اصلآ مانطقت بولا حرف.
طالعت الساعه الموجوده على الجدار شافتها تسع و نص تقريبآ .. قامت من سريرها بهدوء.
شيماء بوجه كئيب:ساره وين رايحه؟؟
ساره طالعتها بوجه مافيه حياه دخلت الحمام .. لما طلعت طالعت شيماء الي كانت جالسه لوحدها لأن دانه راحت تسألهم عن حالة جواد .. تنقلت بنظرها من شيماء لجميع انحاء الغرفه بعدها عادت بنظرها لشيماء راحت لها مدت ايدها.
شيماء بستغراب:وشوو!!؟؟
ساره طالعت عباتها.
شيماء فهمت قصدها:اهاا .. قامت من مكانها طلعت لها سجاده و حرام لصلاه.

صلت الا بدخلة دانه الغرفه .. شافت ساره اتصلي فقعدت جنب شيماء......
شيماء بصوت واطي:ها ويش صار طمنيني.
دانه:طلعوه من غرفة العمليات بس ايقولوا لازم اتمر اربع و عشرين ساعه على مايعرفوا حالته.
شيماء بفرح:يعني نقدر انشوفه.
دانه بكل حزن:لا هو في العنايه المشدده ممنوع احد يدخل عليه .. اتكلمت معاش.
شيماء بكئابه:لا.
قعدوا يطالعوها وهي اتصلي .. لما خلصت طالعتهم ولا كأنها اتطالعهم كان وجهها مافيه حياه مافيه روح راحت انبطحت على السرير.

دانه شيماء كانوا خايفين عليها لأن مفروض اتسوي اي شي بس مو جذي.

بعد نص ساعه جى سلمان خلص اوراقها من المستشفى و اخذها راحوا البيت.

اول مادخلت البيت على طول راحت غرفتها حضنت دبدوبها .. جى لها سلمان قعد على سريرها...
سلمان:ساره ماتبغي تاكلي شي؟؟
ساره ماردت عليه بس طالعته.
سلمان:خلاص براحتش اذا احتجتي شي ناديني.
ساره لفت على الجهه الثانيه.

ــــــــــــــــــــــــــــــــــــــــ

#بيت ابو جواد#

دانه ماقدرت اتنام فراحت غرفة شيماء .. دخلت سمعت صوتها اتصيح بس ماشافتها لأن امطفيه اليتات شغلت اليتات راحت لها.
دانه:شيماء لاتصيحي انشالله بيقوم بالسلامه.
شيماء اتصيح:ماأقدر ماأقدر جواد مو بس اخوي جواد اخوي وصديقي و كل شي ولله ماأتخيل حياتي من دونه كان أكثر واحد مايقدر على زعلي مايرضى علي مايقدر ايشوفني حزينه الا يفرحني ماأقدر صدقيني ماأقدر.
دانه بدت اتصيح لا شعوري:ولا أني ماأقدر يمر علي يوم ماأشوف ظحكته فيها ماكان يقدر ايزعل احد ولا يراضيه ولله ماأتخيل البيت من دونه كان هو الي يسوي جو في البيت مو قادره انام من دون ما أطمن عليه.

قعدوا ايصيحوا مع بعض .. شيماء مارضيت اتخلي دانه اتنام في غرفتها خلتها اتنام معاها.


في الصبح الكل عرف بالي صار .. أمل أم حسن زهراء و حوراء ام قيس راحوا لساره .. ام جواد شيماء دانه كانوا هناك وكانوا موجودين الجيران والأهل وجميع معارفهم.

ساره كانت في غرفتها ماتحركت عنها أصلآ .. الكل حاولوا يتكلموا معها بس هي ماقالت ولا حرف وجهها نظراتها حركاتها كلها مافيها حياه.
أمل قريب اتصيح على صديقتها:ساره قولي أي شي لا تظلي ساكته.
ساره طالعتها ببرود.
شيماء:ولله مو زين الي اتسويه صيحي صرخي بس لا تكبتي الي بداخلش.
حوراء:على الأقل قولي اي حاجه طمنينا على صوتش.
كلامهم ماحرك شي في ساره ظلت ساكته.

قيس وابو قيس رائد راحوا عزى الرجال و لما طلعوا راحوا لجواد المستشفى.

ام جواد كانت كل اشوي تتصل لأبو جواد تطمن على حالة جواد بس ابوجواد كان ايقول لها أن لحد الحين ماقالوا لهم شي.

في اليل بعد ماراحوا كل الناس جى لهم هادي ياخذهم .. شيماء حاولت في هادي ايخليها اتنام مع ساره بس هادي مارضى عشان سلمان.

لما وصلوا البيت هادي نزل معاهم راح المجلس مع شيماء.......
هادي ايهدء شيماء الي صارت اتصيح بصوت بعد الي قاله لها:شيماء أنا قلت لش عشان اتخففي عني مو اتزيدي همي بصياحش.
شيماء اتصيح:كان ماقلت لي أحسن.
هادي:لو ماقلت لش أنا بيقولش أحد غيري.
شيماء:أمي تدري؟؟
هادي:لا الحين بيقولها ابوش.
شيماء عودت اتصيح.
هادي:حيبيتي خلاص كافي الي فيي .. رفع راسها مسح ادموعها بصبعه حضنها مسح على شعرها .. شيماء صاحت في حظن زوجها.

..........

ابو جواد كان قاعد مع ام جواد في غرفتهم كانت حاسه أنه يبغى ايقول لها شي بس مو عارف كيف ايقول.
ام جواد بخوف:حاسه انك تبغى اتقول شي قول لا تخاف علي.
ابوجواد قعد جنبها:انتي
ام جواد قاطعتها:ماأحتاج لمقدمات عشان اتقول الي بتقوله حاسه انه يتعلق بجواد فقول بسرعه لأنك حرقت اعصابي.
ابوجواد:جواد دخل في غيبوبه.
ام جواد انصدمت ودموعها طاحوا بسرعه.
ابوجواد:سكينه كوني قويــ
ام جواد قاطعته:أنت ماتفهم هذا ولدي الوحيد ماعندي ولد غيره.
ابوجواد اصرخ:و ولدي بعد .. لفها له .. قومي صلي وادعي ربش يصحى دعاء الأمهات مستجاب.
تركته راحت اتمسحت صلت دعت ربها يصحى جواد ويقوم بالسلامه.

ــــــــــــــــــــــــــــــــــــــــ

بعد أسبوع الكل عرف ان جواد في غيبوبه بس ماحد قال لساره الي فيها كافيها بس ساره عرفت .. كانت عطشانه و الماي الي في غرفتها خلص نزلت تحت شافت سلمان ايكلم في الصاله بس عطنها ظهره يعني ماشافها.
شربت ماي وتوها بتعود غرفتها الا تسمع سلمان يتكلم عن جواد فوقفت.
سلمان:تقصد جواد .. سوو له عمليتين وحده في راسه والثانيه في رجله .. لأن جواله اتكسر في رجله ..ادعي له دخل في غيبوبه وماحد يدري متى بيصحى.

ماقدرت تتحمل على طول راحت غرفتها سكرت الباب مسكت دبدوبها قعدت اتصيح .. ياربي أني فقدت أمي وابوي وأخوي وزوج امي مأبغى افقد جواد .. ليش أنقذني كان خلاني أموت .. أحبك ولله أحبك .. انبطحت على السرير وهي تذكر كل الأيام الي قضتها مع جواد ذكرت أول يوم شافته في محل الورد لما شافها في غرفة شيماء يوم حفلته لما اتصل لها قال أنه برى تعبان وطلعت له بس طلع اكذب عليها .. هيه الصوره لهذاك اليوم ..غمظت عيونها.. مو معقول ايكون يخدعني لو كان جذي كان ماضحى بحياته عشاني ياربي جواد مو قادره اتحمل أني اسبب كل من غبائي ليش شكيت فيك .. رجعت لذكرياتها معاه ذكرت لما جى ياخذها من المدرسه بس هي ماوافقت راحت مع سلمان وكان بيذبح سلمان عشانها .. لما ماتت جدتها وكيف كان خايف عليها عالج يدها بعد ماكسرت امرايتها فنجرحت ايدها.. مسكت ايدها باستها .. ذكرت ردة فعله لما قالوا الممرضات أنها خطيبته .. ذكرت كل الأشياء الي صارت بينها و بينه عزفه صوته ظحكته جنونه رسايله لها .. صاحت صاحت صاحت لين نامت.

ــــــــــــــــــــــــــــــــــــــــ

أمل اتكلم حوراء......
حوراء:ولله ماتستاهل الي صار لها.
أمل:الله ايساعدها حالتها اتقطع القلب.
حوراء:ولله صرت أخاف اتكون غتمت وراح صوتها لحد الحين مانطقت بولا حرف.
أمل:لا لاتفاولي عليها انشالله تتكلم واتريحنا.
حوراء:انشالله.
أمل:انزين أني قلت لها باروح لها الصبح اتروحي معاي؟؟
حوراء:ماأتوقع يمديني الصبح باروح العصر.
أمل:اوكيه يلا كشي باي.
حوراء:ههههه باي.

ــــــــــــــــــــــــــــــــــــــــ

صحت الصبح على طول راحت المستشفى الغرفه الي هو فيها كانت بتدخل بس منعوها الدكاتره قاومتهم دخلت الا اتشوف الدكتور يغطي وجه جواد .. طالعته كأنها ماتبغى اتصدق الي اتشوفه بس الدكتور حرك راسه بالنفي ماقدرت اتصدق .. جواد مات مات قبل ماأكلمه مات بسببي بسببي بسببي لا لااااااااااااااااااااااااااااااااااااااااااااااااا ااا

سلمان فتح باب غرفتها بسرعه بعد ماسمع اصراخها راح لها وهي اتصيح حظنها:حلم كنتي تحلمي.
ساره صاحت بصوت في حظنه.
سلمان صحيح كان خايف عليها بس فرح لما سمع صوتها على الأقل اطمن عليه .. ظل معاها لين اذن راح ايصلي وهي اتصلي .. بعد ماصلوا رجع لها لأنها ماقدرت اتنام خايفه تحلم مره ثانيه بقى معاها ليما نامت بس هو ماقدر انام خايف تصحى ماتلاقيه.

بعد ساعتين صحت.......
سلمان قريب اينام:محتاجه لشي تبغي اسوي لش فطور؟؟
ساره ساكته ماتكلمت.
سلمان:ساره كلميني ليش تسكتي؟؟
ساره لفت وجهها على الجهه الثانيه ماردت عليه.
سمعوا نغمة جوالها .. طالعت الجوال لفت على سلمان.
سلمان:جت؟؟
ساره هزت راسها.
سلمان اتأملها اتنهد طلع من غرفتها راح يفتح الباب.....
أمل:السلام عليكم.
سلمان:وعليكم السلام.
دخلت وتوها بتركب فوق...
سلمان:أمل
أمل غمضت عيونها(لا تنطق أسمي أرجوك ماأقدر) لفت له.
سلمان من دون مايحس أتأملها.
أمل استحت من نظراته:ويش بغيت؟؟
سلمان انتبه على نفسه:امممم ممكن اتلاقي صعوبه معاها اليوم.
أمل:ليش؟؟
سلمان:أمس صرخت الظاهر حلمت بكابوس.
أمل بفرح:صرخت ابصوت؟؟
سلمان ابتسم:هيه.
أمل بسبب انفعالها وفرحها نست حالها راحت له حطت ايديها على كتفه:أحلف قول ولله واتكلمت معاك قالت شيـ
أنتبهة لحركتها من نظراته المتفاجئه وركبت فوق بسرعه من كثر ماكانت مستحيه من حركتها.
سلمان حط ايديه على كتفه .. أحبش ياترى حسيتي بنفس احساسي .. راح انبطح على الكنبه ومن شدة نعسه نام.

...........

وقفت عند باب غرفة ساره وهي تلتقط انفاسها و اتحاول اتسيطر على دقات قلبها .. دقت الباب دخلت الغرفه.
أمل بوجه مبتسم:صباح الخير.
ساره أشرت لها تجي تقعد جنبها.
أمل قعدت بجنبها .. ساره حطت راسها في حظنها صاحت .. أمل خلتها على راحتها اطلع الي فيها.
أمل:باروح اسوي لش عصير ايهدء اعصابش .. راحت المطبخ سوت العصير لما جت بتركب انتبهت على سلمان الي كان نايم بطريقه مو مرتاح فيها ايده على الأرض ورجليه صايرين برى الكنبه.
لاشعوريآ راحت له اتأملت كل تقاسيم وجهه .. صحيح أني غبيه لو صحى و شافني اطالعه ويش بيكون موقفي.
كانت بتمشي بس قلبها ماطاوعها تتركه جذي .. اممم أناديه عشان يصحى لالالا ويش بقول سلمان قوم موعدله .. اممم اهزه هههه حدي ظريفه ماأشوف نفسي الا اهزه وين قاعدين .. انزين مستحيل اخليه جذي .. هيه بقول لساره اتصحيه.

راحت لساره الغرفه....
أمل:ساره سلمان نايم على الكنبه حرام روحي صحيه شكله تعبان.

ساره تركتها نزلت تحت .. قعدت بجنبه هزته بصوت مبحوح:سلمان سلمان قوم نام في غرفتك.
سلمان مابين النايم والصاحي:تعبان خليني أنام.
ساره:انزين قوم نام في غرفتك.
سلمان فتح عيون وحده ولما استوعب قام:وحشني صوتش .. حضنها.

ركبوا مع بعض هو راح غرفته وهي رجعت لأمل.

أمل كانت اتكلم:ليش جيت .. ماقلت لك تجي الحين .. افففف منك غبي صحيح هندي .. خلاص باجي .. أحلف هذا الا ناقص.
سدت الخط لفت لساره بعصبيه:غبي هالسواق قلت له لا يجي جى.
ساره فكرت قعدتها على السرير:من متى عندكم سواق؟؟
أمل فرحانه:ياعمري وحشني صوتش.
ساره:مو هذا وقتش .. أبغاش اتوديني المستشفى الحين لازم أشوف جواد.
أمل:بس و سلمان.
ساره:مايهمني أبغى أشوف جواد مو كافي الي فقدتهم ماابغى افقد جواد..صاحت
أمل:خلاص ساره لاتصيحي قومي بدلي ثيابش بس مانتأخر.
ساره : عادي أهم شي أشوفه.

بدلت اثيابها لبست عباتها راحوا المستشفى......

كانت طول الطريق خايفه بس من شو ماتدري .. سألت الرسبشن عن غرفته راحت.

أمل بقت برى تنتظرها أما هي دخلت بقلب الحبيبه الخايفه على حبيبها .. شافت الألات موزعه على كل انحاء جسمه ماقدرت تتحمل وقفت مكانها .. بعد ثواني اتقدمت قعدت بجنبه .. بعد تردد مسكت ايده أتأملت وجه(كانت جبهته ملفوفه بشاش وايده اليسار مجبسه).
ساره بنبرة اصياح:جواد تكفى قوم مالي عيشه من دونك .. جواد تدري أمي ماتت ابو وليد مات ووليد مات .. قاوم مرضك لاتموت .. أنت أملي في الحياه ماأقدر أعيش من دونك من لي غيرك سلمان مصيره بيتزوج وأني وين بروح مستحيل أتزوج غيرك .. أحبك ولله أحبك .. تذكر لما شفتني في محل الورد .. ابتسمت.. كان وجهك ايضحك لما قلت لك أني أعرفك .. تذكر لما

ماكملت كلامها حست ان في أحد وراها لفت وكانت هذي مفاجئتها ماتوقعت أصلأ أنها اتشوفها مره ثانيه ووين في غرفة جواد:مرام!!!!!!!!!!!!!!!!!!!!!!!!!!!!!!!!!!!!!!!!! !!

شوو راح ايصير بين مرام و ساره؟؟؟؟
ليش مرام جايه لجواد؟؟؟؟
هل بيصحى جواد من غيبوبته؟؟؟؟
تتوقعون سلمان بيعرف ان ساره راحت لجواد وشو راح بيسوي؟؟؟؟
تتوقعوا علاقة أمل و سلمان بترجع مثل ماكانت أولا؟؟؟؟

اسير الحزن

اسير الحزن

اسير الحزن