املي في الحياة

اسير الحزن

#بيت ابو قيس#
ش
أمل و **** سلموا على حوراء حضنوها وقعدوا يسولفوا......
**** تدز حوراء:ويش صار لما شافش رائد.
حوراء:عيب مايعلموا جهال.
****:أني أكبر منش.
أمل:قولي ويش صار؟؟
حوراء:اففففف مو الحين بعدين..ساروه جوادوه حبيبش مره احليوا طلع عندش ذوق.
**** ارتبكت بس حاولت أن هالشي مايبين:أنتي بعدش مصره على أني أحبه.
أمل:**** يبين عليس فلا تكابري.
**** اتغير وجهها: ساكته
حوراء عشان تغير الموضوع:ويش حال سلمان؟؟ شو أخر التطورات؟؟
أمل شغلة نفسها بجوالها ولاكأنها سمعت سؤال حوراء.
****:بخير الحمدلله بس أخر التطورات أني أكتشفت صديقتي غبيه وعمي أغبى منها.
أمل طالعتها بنظره خلتها تسكت.......

ــــــــــــــــــــــــــــــــــــــــ


العائلات الأربع راحوا لبنان........
كان الجو هادئ و صافي جمعت العوائل كانت مره حلوه..أول شي سوه أنهم راحوا الفندق ارتاحوا بعدين طلعوا راحوا الجبل اتغذوا هناك ولما خلصوا راحوا مغارة جعيتا بعدين رجعوا الفندق اتعشوا و ناموا.....
اليوم الي بعده..بعد الغذى راحوا يتسوقوا في مجمعات لبنان ولأن شيماء تبغى تشتري لها أغراض حق خطوبتها فتأخروا ومارجعوا الا الساعه تسع وكانوا هلكانين فتعشوا وراحوا في سابع نومه........
على الساعه ست كان الكل صاحي جهزوا أغراضهم وفطروا عائلة ابواسعد وابو فاضل رجعوا سوريا اما عائلة ابوجواد وابو سالي راحوا المطار.



كان بستقبالهم ابو كاضم وكاضم وعباس اولاده<<اولاد خالتهم الهام.

عائلة ابوسالي ركبوا مع عباس وداهم البيت.
أما عائلة ابوجواد فنقسموا لقسمين قسم مع كاضم وقسم مع ابو كاضم عشان الأغراض تكفي.....
اول مادخلوا البيت كان بستقبالهم الخاله الهام وبناتها ديما وكوثر وكانت معاهم تينا<<الخدامه.
ابوجواد وجواد راحوا غرفهم عشان يتركوا النسوان على راحتهم و عشان يرتاحوا.......

*غرفة شيماء*

ديما:شيمو ليش رجعتوا مو من عوايدكم تقعدوا اسبوع وترجعوا.
شيماء:لأن حفلة خطوبتي بعد سبوعين.
ديما وكوثر:يوووء ماأشترينا شي.
دانه:عادي يمديكم تشتروا لأن موأكيد اذا بعد سبوعين او ثلاثه.
شيماء:من الي قالش؟؟
دانه:امبينه لأن خالتي ام أسعد بعدهم مايرجعوا.
شيماء:بس يمكن مايطولوا.
دانه:يمكن مو أكيد.
ديما:راونا ويش اشتريتو.
دانه:أني باروح غرفتي باجيب هداياكم..تركتهم راحت غرفتها..أخذت شنطة الهدايا وطلعت هدايا ديما وكوثر خالتها وهي اطلعهم شافت هديه قعدت تتأملها الهديه كانت الى دلع<<قيس..افف لو تقوليلي من انتي ولله نفسي أشوفش ونفسي أقولش حوايج واجد ماأقدر أقولها لغيرش ياترى رجعتي من السفر؟؟؟؟

رجعت غرفة شيماء عطت ديما وكوثر هداياهم قعدوا يسولفو اشوي..بعدين ديما وكوثر تركوهم يرتاحوا ويناموا نزلوا تحت لأمهم رجعوا مع بعض بيتهم (بيت الخاله الهام قريب لبيت ابوجواد يعني خطوتين وتصيري هناك).

تينا ساعدت ام جواد في الغذى راحت اتصحيهم عشان يتغذوا.

بعد الغذى شيماء اتصلت ل****..
شيماء:الوو.
سلمان:الووو.
شيماء:السلام عليكم.
سلمان:وعليكم السلام.
شيماء:موجوده ****؟؟
سلمان:لحظه..ســـــــاره.
****:نعم.
سلمان:تلفون.
****:من؟؟
سلمان يحرك أكتافه:ماأدري.

****:الوو.
شيماء:هــــــاااااي.
**** فرحانه:هايــــــات شيمو رجعتوا.
شيماء:هيه أني أكلمش من البيت.
****:حمدلله على السلامه..تقبل الله.
شيماء:الله يسلمش..منا ومنش صالح الأعمال.
****:عسى بس مافجعش الحر أهني.
شيماء:ياربي كيف قدرتوا تتحملوا الحر
****:هههههه حوروا أول ماوصلت شغلت مكيفات بيتهم كلها ههههه.
شيماء:ههههههه حوراء كل حرانه حتى في الكوافير خلتهم يشغلوا المكيفات.
****:ههههههههه حوراء تحفه.
شيماء:ساروه تعالي اليوم خلي أمل تجي معاش.
****:هاه ماأدري باشوف..ليش رجعتوا؟؟
شيماء:حفلة خطوبتي بعد سبوعين..عشان جواد بكره بيروح المستشفى لأنهم يبغوه.
****:خلاص باجي بكره عشان خالاتش بيجوا اليوم.
شيماء:أبغاش تجي الصبح .
****:اوكيه ماعليه.
شيماء:و أمل.
****:مو مشكله أقولها تجي .

ــــــــــــــــــــــــــــــــــــــــ

#في المستشفى#

فاطمه:راشد تبغى عصير برتقال لو ليمون.
راشد:برتقال.
فاطمه:اممم ويش تبغى تاكل اسبكتي وله باسته وله مكرونه؟؟
راشد:ليش امتعبه نفسش؟؟
فاطمه أخذت المكرونه قعدت جنب راشد:يلا أبغاك تاكله كله.
راشد:قلت لش لو أصدم كل يوم مو أحسن.
فاطمه:راشد ترى بطلع.
راشد:خلاص بسكت..أكل شرب العصير وهي تتأمله.
راشد:حبي شعرش طالع يهبل.
فاطمه:أخاف اتصير أهبل.
راشد:ههههههه أنا مو بس بصير أهبل أنا بتخبل عشانش.
فاطمه استحت نزلت راسها.
راشد:أحسن شي أن عرسنا قريب.
فاطمه:لا مفروض انأجله.
راشد:مستحيــــــل.
فاطمه:كيف ورجلك؟؟
راشد:مو مهم.
فاطمه:الا مهم وبأجله.
راشد:مو على كيفش.
فاطمه:على الأقل أنتظر رجلك تشفى.
راشد:خلاص اذا مااشفيت بافكر اذا أأجله وله لا.

ــــــــــــــــــــــــــــــــــــــــ

اليوم التالي#بيت ابو جواد#

**** راحت لهم سلمت على أم جواد ابو جواد قعدت مع دانه شيماء..جواد ماكان في البيت عشان ماتكتشف شيماء أنه لعب عليها و ماراح المستشفى......

شيماء تراوي **** الأشياء الي أشترتها حق الخطوبه.......
****:الـلـه شيمو هذا الثوب احليو يناسب صبغة شعرش.
شيماء:صحيح فلي شعرش ابغى أشوفه.(**** كانت رافعه شعرها).
دانه:هيه فليه أبغى أشوف اذا كان زي طول شعري لو لا.
****:لا أني أقصر..فلت شعرها وانساب على وجهها.
شيماء:واااااااااو.
دانه:اتجننــــــي.
**** خجلانه تحرك صبعها:لاتخجلوني.
دانه:لو عندي أخو غير جوادو المعفن كان خطبتش له.
شيماء:ماأسمح لش.
دانه:لا تكفي أرجوش اسمحي لي.
شيماء:جواد مافي أحسن منه.
دانه:ماشاء الله جواد ملاك مافي أحسن منه.
****:بسكم خلاص لما أطلع اتشابقوا على كيفكم.
شيماء:الحين بتطلعي؟؟توش جايه!!
****:صار لي ساعتين أهني وتقولي توني.
دانه:هيه مامداش.
****:باروح اسوي الغذى لسلمان.
شيماء:بصراحه أني خايفه على عمش لما بيتزوج مابيحصل وحده تدلله زيش.
****(بيحصل اذا ترك غبائه وهي تركت قوتها)لبست عباتها واتصلت لسلمان..بعد ربع ساعه وصل سلمان سلم على ابوجواد وراحوا.....

بعد ساعه رجع جواد البيت.......
جواد:اماه امــــــاه.
ام جواد:هذاني في المطبخ تعال.
جواد:جوعان ابغى غذى.
ام جواد:اصبر اشوي.
جواد:باروح غرفتي اذا استوى الغذى نادوني.
ام جواد:انشاءلله.

ركب فوق كان بيروح غرفته بس غير اتجاهه وراح غرفة شيماء....
جواد:هلا.
شيماء:اهلين.
جواد:بتطلعي لو أحد بيجي لش؟؟
شيماء:لا ليش تسأل؟؟
جواد:أشوفش متعدله!!!
شيماء: يعني أني ماأتعدل؟؟
جواد:لا مو قصدي جذي.
شيماء:عارفه ويش قصدك أني لابسه لأن **** كانت اهني.
جواد:**** جت!؟ ليش ماقلتولي؟؟
شيماء رافعه حواجبها:وليش انقولك.
جواد:له يعني عشان اسلم عليها.
شيماء:احلف .
جواد طنشها راح غرفته....

بعد الغذى شيماء راحت تتكلم مع ابوها......
شيماء:ابوي ممكن طلب
ابوجواد:اتفضلي.
شيماء:**** أغلب الوقت يكون عمها برى البيت وهي تقعد بروحها في البيت..ابغاك تقنعها تجي تنام عندنا كم يوم.
ابوجواد: ايفكر
شيماء: تنتظر جوابه
ابوجواد:بس هي بترضى.؟؟
شيماء:ماأدري ابغاك تقنعها.
ابوجواد:خلاص بعد اشوي بتصل لها.
شيماء باسته :مشكور ابوي..راحت وهي فرحانه.

ــــــــــــــــــــــــــــــــــــــــ

#في البحر#

وائل:سلمان لمتى بتضل على هالحال؟؟
سلمان اتنهد:ماأدري المشكله أني ماأقدر أنساها واذا شفت **** اذكرها وأنا **** دايم أشوفها يعني مابنساها.
وائل:الحل أنك تبتعد عن البيت.
سلمان:الكلام سهل بس الفعل صعب كيف بقدر أخلي **** بروحها؟؟
وائل:ماأدري انت دبر نفسك..أنا والشباب بنروح الجبيل اذا حاب تروح معانا عشان تغير جو شوف لك حل.
سلمان:بفكر بس أكيد مابروح.
وائل:زين أمش ضاقت خلقي كل قاعد في البحر.
سلمان:انت مو رومنسي ابد.
وائل:خليت الرومنسيه و خياس البحر لك.
سلمان:تدري عاد انت الي اضيق الخلق.
وائل:امش أمش .

ركبوا السياره قعدوا يداورو اشوي بعدين سلمان وصل وائل البيت وراح هو البيت.......
اول مادخل سمع صوت **** وهي اتكلم تلفون....
****:أني ماأبغى أرفض لك طلب بس ياخالي أني ماأقدر أترك عمي بروحه من بيطبخ له من بيهتم فيه.
ابوجواد:يعني انتي ماتبعي تجي بيتنا؟؟
****:لا بالعكس أني اتمنى اقعد مع شيماء ودانه بس ماأقدر اترك(شافت سلمان يأشر لها) لحظه خالي.
سلمان:ويش يبغى؟؟
****:يبغاني اروح اقعد معاهم كم يوم.
سلمان:وانتي تبغي تروحي؟؟
**** نزلت راسها.
سلمان:ردي عليه قولي أنش بتروحي.
****:بس أن
سلمان:ردي عليه وانا بافهمش.

****:الوو
ابوجواد:هاه ويش قررتوا؟؟
**** ابتسمت:الي تبغاه بيصير.
ابوجواد:خلاص جهزي أغراضس باجي أخذش بكره.
****:بتجي تاخذي؟!
سلمان:قولي له انا باوديش عشان باسلم على جواد.
****:عمي بجيبني يقول يبغى يشوف جواد.
ابوجواد:على خير مع السلامه.
****:الله يسلمك..سكرت التلفون.

****:يلا فهمني.
سلمان:أنا باروح الجبيل مع صدقاني أنتي روحي بيت خالش عادي.
****:اهاا عجل باروح أجهز أغراضي وأغراضك.


اليوم التالي
صحت سوت الفطور فطرت مع سلمان قعدوا يسوموا اشوي بعدين راحت اتكمل باقي الأغراض وسوت الغذى اتغذوا بعدين لبست عباتها وراحوا......

وقف سلمان عند البيت:شوفي لي طريق ابغى اسلم على جواد.
****:انشاءلله.
حمل عنها الشنطه حطها عند الباب..أخذت الشنطه دخلت و سلمان ينتظر برى..خطت خطوتين الا جواد قدامها ارتبكت حست أن حرارتها أرتفعت قلبها يدق بقوه.
جواد:مافي حمدلله على السلامه.
**** ماتدري ليش هي ترتجف: حم حمدلله على السلامه.
جواد:الله يسلمش..كيف حالش؟؟
****:ب بخير..سلمان ينتظرك برى(قالت جذي عشان تبغاه يروح لأنها مو قادره تتحمل أكثر).
جواد:ليش مادخل؟؟
****:هاه ماأدري.
جواد طالعها وراح......

وقفت تلتقط انفاسها ودموعها بدت تسيل على وجها..ياربي ليش من أشوفه ارتبك ماأقدر أقول كلمتين على بعض..أني غبيه ليش وافقت اجي احين باشوفه في اي وقت اكيد بيلاحظ..فتحت شنطتها أخذت نشاف مسحت به ادموعها دخلت....
شيماء كانت في الصاله تنتظرها ماتدري أن هي جت...
**** ببتسامه:السلام عليكم.
شيماء:وعليكم السلام..باستها..ياربي ساروه ماأتخيل أنش بتكوني معاي مره ثانيه.
**** أبتسمت برقه..
شيماء حملت شنطة ****:يلا تعالي معاي.

........

بعد ماسلم على سلمان راح لهادي لأنهم توهم راجعين من السفر....
هادي:اخ جوادو السفره مو حلوه من دونها..كله منك عسى بس ارتحت وراح أشتياقك.
جواد:لا تبط جبدي مو عارف ويش اسوي.
هادي:قلت لك الله يساعدك.
جواد:افففففف..رن جواله نغمة الرسايل..فتح الرساله قراها..مو معقول.
هادي:شوو.
جواد:هادي أنا بطلع .
هادي:تعال وين رايح؟؟
جواد:عندي اتصال مهم.
هادي:تعال خذ هدية شيماء.
جواد:جيبها بسرعه.
هادي:لهدرجه الأتصال مهم.
جواد:هاديوه يلا بسرعه.

جاب له الهديه..أخذها وطلع.
ركب سيارته واتصل....


بعد ماأنتهى من المكالمه رجع البيت..أول مادخل شاف شيماء و**** قاعدين يشاهدوا في الصاله.....
جواد:السلام عليكم.
**** وشيماء:وعليكم السلام.
قعد جنب شيماء:شيوم أحبش.
**** طالعت التفزيون.
شيماء:ليش جاي .
جواد اغني:جاني حبيبي من بعد غيبة اسنين.
شيماء:ياسلام عليك.
جواد اغني:ياسلام ياسلام اد ايه حلو الغراااام.
شيماء:مجنون.
جواد اغني:قول عليا مجنون قول عليا مجنون.
**** ابتسمت على حركاته...
شيماء:افففففف زهقتني يعني ويه.
جواد اغني:يعني يعني ماودك تجينا يعني متكبر علينا.
شيماء:نرفزتني بجد.
جواد:خلاص بسكت بس اخذي ..عطاها الكيس ..هديه هادي.
شيماء خجلانه:هدية شو؟؟
جواد:مو سافر هدية السفر.
شيماء:بس أني سافرت.
جواد:عادي بس هو أشترى الهديه مو بس عشان أنه سافر عشان يراضيش على زعلتش ذيك المره.
شيماء وجهها أحمر:شكرآ..مسكت **** وركبت غرفتها.
****:افتحي الهديه ابغى أشوف ويش جاب لش.
شيماء:انزين..فتحت الهديه..كانت ساعه جلد ورديه ومعلق فيها سوار محطوط فيه اسمها وشكله جنان.
****:الــــلـــــه
شيماء:ذوقه يهبل.
في هالحظه جواد دق الباب:شيماء اخذي جوالي أشحنيه.
شيماء:وين شاحنك؟؟
جواد:مو فاظي ادوره.
أخذت جواله حطته يعبي:ويلي جوعانه باروح أشوف العشى.
****: ساكته..راحت شيماء.
طالعت جواله حست أن عندها فضول تشوف رسايله..أخذته راحت لرسايل شافت رساله من عند ~حبيبتي~ فتحتها على طول..
"هلا
جواد أرجوك سامحني ولله أني حبيتك ادري أنك تتصل لي عشان تهزئني على الي سويته في شيماء..صدقني أني حبيتك بصدق أني تقربت لك عشان أنتقم من **** لأني حسيتها تحبك بس المشكله أني حبيتك من جد.
أحبك..."

ادموعها سالت على خدها سيـــــــلان..هذا كان قصدها أنها بتحرق قلبي حرام عليها كافي العذاب الي اتعذبه..جواد يحبها..حست بشيماء جايه رجعت الجوال مكانه راحت الحمام عشان تمسح دموعها.
شيماء:****..****.
**** وهي داخل:نعم.
شيماء:لما تخلصي نزلي لي تحت.
****:ماعليه.
شيماء نزلت تحت..بعد ربع ساعه طلعت من الحمام كان بودها تقعد في الغرفه تصيح على كيفها بس خافت شيماء تسألها وتنفظح.
طلعت من الغرفه شافت دانه.....
دانه:اففففف.
****:ويش فيش؟؟
دانه:صديقتي جوالها مقفل وماتدخل المسانجر.
****:اتصلي لها على البيت.
دانه:ما عندي الرقم.
****:يمكن مشغوله.
دانه:لا بعدها ماترجع من السفر.
نزلوا قعدوا مع شيماء في الصاله..نادتهم أم جواد عشان العشى..راحوا لها.
ام جواد:تينا وين جواد؟؟
تينا:في يروح كرفه شيماء ياخد جوال مال هو يروح كديقه<<حديقه.
ام جواد:تينا دانه شيماء تعالوا ساعدوني **** نادي على جواد.
****:اني!؟
ام جواد:هيه يلا بسرعه.

**** راحت الحديقه غصبآ عنها لأنها ماكانت تبغى تشوف جواد بعد الي قرته...
طلعت من باب الصاله شافت قدامها بس بعيد وكان عاطنها ظهره ويطالع نفسه بالمرايه ويكلم.
جواد:أحبش أموت فيش..ههههههه..لابجد أنا عمري ماحبيت وحده غيرش..افاا مرام تقولي عني كذاب.
ماسمعت الكلام الباقي لأنها رجعت لهم وهي ماسكه صيحتها.
ابوجواد:ويش فيش ****؟؟
****:مافي شي بس خالي أني مو جوعانه ونعسانه باروح أنام.
ابوجواد:لا يابنيتي تعالي اتعشي.
****:بس.
ابوجواد:يلا تعالي قعدي جنبي.
**** قعدت جنبه وهي ماسكه صيحتها....
جى لهم جواد:ماقلتولي عشى.
ام جواد:مانادتك ****.
جواد طالع ****:لا نادتني بس انا أمزح.
ابوجواد:جواد بيتك جهز بس باقي العروس.
جواد:ماشفت العروس لحد الحين.
**** رفعت راسها طالعته(ليش مايبغى يتزوج دامها اتحبه و يح..قاطعت نفسها لأنها ماتبغى تعترف بالشي).
دانه:ابوي نبغى انروح المزرعه بكره.
ابوجواد:خلاص جهزوا نفسكم.
شيماء:ياي **** بتشوفي مزرعتنا بكره.
دانه:بتصل لهناء تروح معانا.
ابوجواد:سوه الي تبغوه.

بعد العشى راحت غرفة شيماء أنتظرت شيماء تنام وفجرت نوبة الصياح الي فيها....



*اليوم التالي*

صحوا من الساعه ثمان فطروا جهزوا نفسهم طلعوا من البيت مروا على هناء وبتول اخذوهم راحوا المزرعه..أول ماوصلوا حطوا أغراضهم راحوا ايراوا **** المزرعه.....

في المطبخ **** كانت تكلم سلمان وهناء كانت موجوده معاها.. بعد ماخلصت المكالمه......
هناء:هذا عمش؟؟
****:هيه.
هناء:يعني أنتي عايشه معاه؟؟
****:لا بس لأن أمي مسافره.
هناء شهقت بدلع:في أم تترك بنتها واتسافر لهدرجه الكل مايطيقش ابوش طلق أمش وتركش وسافر اتخلى عنش ومات جدتش تركتش وماتت أمش سافرت عشان تفتك منش وعمش ماورى عليه حصل أحد ياخذش ويفتك منش ويه الحمدلله اني محبوبه من الكل.
جواد دخل امعصب:هنـــــــاء احترمي نفسش أحسن لش أن سمعتش تقولي هالكلام مره ثانيه ولله ثم ولله لتشوفي شي ماشفتيه.
**** ماقدرت تتحمل كلامها طلعت من المطبخ من دون ماتسمع كلام جواد..راحت لأخر زاويه في المزرعه قعدت على الأعشاب ضمت رجايلها ويدانها صاحت اصياح يقطع القلب..أني ماحد يحبني الكل مايطيقوني حتى سلمان وجودي معاه منعه من أنه يطلع بحريته ماحد يحنبي يبغوه يفتكوا مني ليش ليش..حست بخطوات وراها رفعت راسها....
جواد:ممكن اقعد؟؟
**** مسحت ادموعها:اتفضل..توها بتقوم.
جواد قعد قدامها(**** كانت قاعده في مكان رفيع اشوي وجواد قعد قدامها بس صار أنزل منها).
جواد:ممكن اتكلم معاش؟؟
****:ساكته.
جواد:**** لاتكوني زي النوع الي مع اي مشكله اتواجهه يستسلم على طول يفقد الأمل وييأس ربش أمرنا أن مانفقد الأمل ربش قال[ولا ييأس من روح الله الا القوم الكافرون] مو معناة أنش فقدتي أنسان عزيز عليش يعني فقدتي الدنيا كلها..**** أنتي بعدش صغيره تركي همومش واحزانش انسيهم ثقي بنفسش لاتخلي كلمه اتجيبش وكلمه توديش ماعليش من كلام الناس مو على اي شي تصيحي هذا يضر بصحتش اذا أنتي مو مهتمه لنفسش ولحياتش في غيرش اتهمه راحتش وصحتش..أخذ نفس طويل..**** أنا أحبش من كل قلبي عمري ماكنت صادق في هالكلمه لغيرش.
**** حطت يديها على اذينها والدموع ماليه عيونها:جواد تكفى علي أني يتيمه.
أثرت عليه جملتها أخذ يدها حطها على قلبه:اذا كنت أكذب فدقات قلبي مابتكذب..
دق قلبها بشكل مو طبيعي فسحبت يدها بسرعه.
جواد:عارف انش مو مستوعبه كلامي لأن مايبين علي أحبش من حركاتي بس أنا كنت أظغط على نفسي فتكرتش تكرهيني أنا أعجبت بش من أول ماشفتش في محل الورد ويوم عن يوم يزداد أعجابي ليما اتحول لحب بس كنت أقنع نفسي أنها أوهام لأنش قلتي لي~أكرهك~.
**** نزلت راسها...
جواد:كنت كل ماأشوفش وأشوف نظرة الحزن بعيونش اتكدر أنتي ماتبيني لأحد أنش حزينه بس هذا الحزن يبين في عيونش
**** تقاطعه:عشان جذي سميتني حزن العيون في جوالك.
جواد بنظرات قويه:**** لاتقاطعيني أنا أعترف بشعوري الرجال اذا أعترف مفروض ماحد يقاطعه.
**** دقات قلبها تزداد.
جواد اتنهد:تذكري لما رفضتي أوصلش خليتي سلمان يوصلش من دون ماأدري أنه عمش غلى الدم بعروقي ماقدرت اتحمل فكرة أنش مع واحد غريب كنت أقنع نفسي أن هالشعور شعور غيره على أهلي أو أني أبغى أخافظ على سمعتنا..لما أنتشر خبر أنش خطيبتي في المستشفى ماصدقت كنت أتمنى أن هالشي حقيقي..حتى لما صرخت عليش على العصير كنت مو متقبل فكرت أنش تكرهيني لهدرجه..تدري أني خليتهم يرجعوا عشان أشوفش لأني أشتقت لش.
**** ماتدري كيف طلعت هالكلمه:و مرام؟؟؟
جواد ابتسم:قريتي رسالتها مو؟؟
**** طالعته!!!!!
جواد ببتسامه:لما أخذت جوالي كان محطوط على رسالة مرام وانا سألت شيماء ودانه قالوا ماأخذوا جوالي يعني مافي أحد غيرش...اسمعي مرام ماحملت لها اي مشاعر والكل يعرف أني مستحيل أرتبط بوحده تكلمني واتخون ثقة أهلها..أنا سميتها في جوالي حبيبتي لأنها قالت لي أسميها جذي وأنا ماخطر على بالي أغير الأسم..أمس لما جيتي تناديني ماكنت أكلم مرام كنت أكلم لؤي صديقي وكنت أقول الكلام الي سمعتيه عشان أشوف ردة فعلش من المرايه واتأكد من الي قالته مرام عنش واذا كانت معلومتها خطأ اوصح.
****:اي معلومه؟؟
جواد مسك يدها طلع اسوار من مخباه لبسها اياه وهي كانت بتسحب يدها بس ماقدرت(كان السوار كبير على شكل حرف الأس مره حليو)
جواد بنظرات تقتل:اتحبــيـني؟؟

سكتت ضاعت منها الكلمات ماعرفت شتقول.

سمعوا صوت ابو جواد ينادي جواد فراح له من دون ماترد عليه ****.
**** راحت داخل قعدت في الصاله وهي مو قادرن تستوعب الكلام الي قاله جواد الفرحه مو شايلتنها..من كثر فرحتها طاحوا دمعاتها.

جوا لها شيماء ودانه وهناء وافتكروها تصيح عشان الي قالته هناء......
شيماء:خلاص **** هناء ماكانت تقصد.
دانه:**** هناء تبغى تعتذر لش.
هناء:اسفه **** ماأدري ليش قلت جذي..صاحت.
**** تطالعها ابتسمت:خلاص عادي سامحتش.
هناء:صدق قلبش طيب.
سمعوا صوت عزف جواد و من كلمات الغنيه الي قالها عرفت **** أنه يعنيها.

شغلتني عينك من اول يوم وبيقت مغروم وبفكر فيك

شدتني ايدك وملكت روح من يومهاا بقيــت هايــم حوليـك

شغلتني عينك من اول يوم وبيقت مغروم وبفكر فيك
شدتني ايدك وملكت روح من يومها بقيت هايم حواليــــــــــك

اربني منك اربني اربني وياك تبعدني وياريت لئلبك يسمح لي اعيش بعمرك ويملكوني......
لسمع


http://www.zshare.net/audio/16021585...61603-mp3.html



شو راح يصيـــر بعد اعتـــراف جواد لســــــاره بحــــــبه؟؟
هــــل بعـــترف ســـــــــــارونه بحــــــبها؟
شــــنو راح ايصـــير دانـــــــــــه وقيـــــــــــس بعــد اعـــتراف قيـــــــــــس؟
هـــل بيـــتأجل عـــرس فطـــــــــــوم وراشـــــــــــد؟
كـــيف بتـــكون خطـــوبته شيـــــــــــماء وهـــــــــــادي وهل بيكون فـــي عـــائق يمـــنع خطــــــوبه؟

ابغى رايكم حتى لو نقد لان يهـــــــــمني



دمتم لي

اسير الحزن

الجزء التاسع عشر:
الفصل الأول ---

بعد ماخلص من عزفه راح برى سند راسه على شجره..أحس أني في حلم..معقول أعترفت لها..أحس براحه طلعت كل الي بقلبي..ياترى شنو بيكون ردها؟؟؟....

كان قاعد في مكان فيه ظل الأشجار من جذي ماحس بالحر واجد....
اتأمل الطبيعه وهو يحس نفسه أنسان ثاني..انسدح على الأعشاب حط يديه تحت راسه صار يتأمل السماء ويفكر غمض عيونه قعد يفكر ويفكر...حس بخطوات جايه له.

تينا:بابا جوال مال أنتا..مدت له الجوال.
جواد بعده مغمض عيونه:أنا ماقلت لش أبغى جوالي.
تينا:ماما ساره في يئطي جوال مال انتا.
جواد قام:ساره!!!!!!!!!!!!!!!!!!!!!
أخذ جواله و تينا راحت..فتح جواله لقى ثلاث مكالمات من حبيبتي<< مرام...اففف أنا لازم أفتك منها..ابتسم ابتسامه خبيثه..ماعندي غير هالحل.

أتصل لها......
مرام:حبيبي ويش فيك ماترد علي.
جواد بصوت تعبان:مرام أنا أنا
مرام:جواد حبيبي ويش فيك؟؟
جواد بنفس الصوت التعب:مرام أنا في المستشفى.
مرام شهقت:ليـــــش؟؟!!
جواد بنبرة تكسر الخاطر:صابني حادث واتشوهت.
مرام متفاجئه: ساكته
جواد ايصيح:مرام أنا أنتهيت ..بعد فترة صمت.. مرام أنتي اتحبيني بتقبلي تتزوجيني مو
مرام:اتخسي الا أنت هذا الي ناقص اتزوج واحد امشوه.
جواد:بس أنا أحبش.
مرام:أحسن عشان ماتحب ساره...سدت الخط.

جواد:العن شكلش..ويه فكه منش....رجع افكر .. كيف عرفت أن ساره اتحبني..ابتسم يستهزء بنفسه..وأنا أقول بكل ثقه اتحبني.يمكن ماتحبني..اخ كان اتحطم.

عود لوضعيته الي قبل...أتنهد..أتوقع اتحبني كل شي يبين أنها اتحبني تصرفاتها طريقتها في الكلام أسلوبها ردة فعلها لما قلت لها سؤالها عن مرام..ابتسم ابتسامه خفيفه..لو ماكانت اتحبني كان ماعطت جوالي لتينا عشان أحل مشكلة مراموه..اففففففف كله من أبوي لو ماناداني كان ...فتح عيونه بسرعه بسبب الصراخ القوي الي سمعه على طول فز من مكانه وراح مكان الصراخ.....

.......

بعد ماسمعته وهو يغني تركت البنات وراحت الغرفه المخصصه لها..انسدحت على السرير أخذت دبدوبها....
ساره:أحس أني في حلم مو قادره أصدق جواد اايحبني!!!! .. طيب ومرام لو ماكان قايل لها شي مااتصلت له ....عدلت جلستها وحطت دبدوبها قدامها....
ساره:حنونو << أسم دبدوبها .. جواد قالي يحبني ...صار وجهها تفاحه...أول مره أحس بالفرحه من كل قلبي .. حنونو أحبه أمووت فيه...وهي اتأشر لدبدوب أنتبهت على السوار..يووووه فشله أكيد شيماء دانه هناء شافوه علي و أني زي الهبله مافسخته ....سمعت صوت الصراخ فزت من مكانها لبست عباتها طلعت من غرفتها راحت مكان الصراخ.......

راحت برى عند المكان الي يلعبوا فيه كرة طائره و كان الجو حـــــار خصوصآ أن الساعه وحده الظهر والمكان مافيه ظل....

شافت ام جواد شيماء و هناء يحاولوا ايصحوا دانه الي مغمى عليها....
ساره خايفه:ويش صاير ويش فيها دانه.
شيماء تصيح:ماأدري ماشفناها الا طاحت.
ام جواد تضرب دانه بالخفيف على خدها:دانه دانه يابنيتي قومي..شهقت..حرارتها مرتفعه.

في هالحظه جى جواد:ويش فيكم ويش صاير!؟؟؟؟
ام جواد اتصيح وهي تطالعه رايح لدانه:دانه مدري ويش فيها.
جواد لمس جبهتها:ساخنه!! حرارتها مرتفعه!!! وخدودها حمران..وكأنه توه يستوعب..أغبياء ليش تاركينها في الشمس؟؟

ماأنتظر منهم جواب على طول حملها ودخلها داخل الصاله والبقيه وراه..بطحها على الأرض وصار يفحصها وهم يراقبوه.
جواد متوتر أشوي:شيماء عبي بانيو غرفتها بماي بارد بسرعه .. ساره جيبي فوطه صغيره رطبه و اسفنجه وديهم غرفة دانه.
ام جواد:جواد ويش فيها دانه؟؟؟
جواد وهو حامل دانه بيوديها غرفتها:ضربة شمس.
ام جواد وهناء:ضربة شمس؟؟!!!!!!!!!!!!!!!!!!!!!!!!!

راح الغرفه بطحها على الأرض:شيماء عبيتي البانيو؟؟
شيماء:هيه يتعبى.
جت ساره وعندها الفوطه والأسفنجه:هاه صحت؟؟
جواد:لا .. أنا بطلع برى الغرفه وبقولكم ويش تسوو معاها .. طلع من الغرفه سكر الباب.
جواد:تسمعوني عدل؟؟
ساره وشيماء:هيه.
جواد:امسحوا جسمها بماي بارد بالاسفنجه وكررو هالشي لين تنخفض حرارتها.

بعد فتره...
شيماء بصوت عالي:جواد أحس أن حرارتها انخفضت.
جواد كانت معاه ام جواد و هناء بصوت عالي:حملوها وحطوها في البانيو.

سوو كل الي قاله بعدين بطحوها على السرير ودخل لها جواد....
جواد قاس حرارتها و نبظها:الحمدلله صارت زينه.
ام جواد:ليش ماصحت؟؟ قوم وديها المستشفى.
جواد:افاا ماتوثقي بعلاجي بعدين هي لازم ترتاح ..طالع ساره وشيماء.. يبغالي أشغلكم عندي شغلكم زاحف>>عدل.
شيماء:روح قال أشتغل عنده أني اتكسرت باروح أرتاح .. ساره تعالي معاي.

طالعها قبل ماتروح .. ابتسمت بخجل لحقت شيماء..جواد طلع من الغرفه راح الصاله يشاهد.

في غرفة شيماء..
شيماء مسكت ساره قعدتها على السرير:بسألش سؤال بس فذمتش تجاوبيني من دون كذب.
ساره:اسألي!!!!
شيماء:انتي اتحبي جواد؟؟
ساره ارتبكت:هاه.
شيماء:على ماأظن سمعتي سؤالي.
ساره وقفت عند النافذه وهي تلعب بأظافرها:ليش تسألي؟؟
شيماء:ابغى أطمن على مشاعر أخوي.
ساره تسطعبط:ويش فيها مشاعره.
شيماء:لاتسطعبطي أنتي عارفه أنه يحبش والدلاله السوار الي عليش.
ساره(يوووه نسيت افسخه)سكتت اشوي و راحت قعدت على السرير قدام شيماء وبخجل واضح:هو الي قالش؟؟
شيماء مبتسمه:جواد مايخبي عني شي هو صحيح ماقالي أن أنتي الي يحبها بس لمح لي.
ساره:ويش قال؟؟
شيماء:هذا أهتمام وله شي ثاني.
ساره نزلت راسها وجهها يعبر عن الي بداخلها.
شيماء:اتحبيه ؟؟
ساره هزت راسها وهي مستحيه لحدها.
شيماء حضنتها:ياي كنت متمنيتنش له .. الله يوفقكم.
ساره:ويوفقش مع هادي.
شيماء:انزين اسمعي ويش كان يقول عنش.
ساره عدلت قعدتها عشان تسمع الا بدخلة هناء الغرفه....
هناء:انتوا اهني وأنا ادوركم.
شيماء بصوت واطي:افففففففف هذي ويش جيبها.
ساره قرصت شيماء:ابغى أعرف ويش ايقول.
هناء:في ويش تتساسروا ؟؟
شيماء:ولا شي عادي.
ساره:اني باروح الغرفه اشوي وراجعه .. راحت الغرفه فسخت السوار اتأملته حطه مع أغراضها ورجعت لهم.


في غرفة دانه.....
كانت دانه بعدها نايمه وقيس>>دلع حرق جوالها من كثر مايتصل لها بس هي من شدة التعب ماصحت ولأنها مخصصه له نغمه هاديه.

جت لها أم جواد......
ام جواد:دانه دانــــه قومي غذى أنتي لازم تتغذي.
دانه: نايمه.
ام جواد هزتها:دانه قومي لاتعلي جبدي.
دانه: همم
ام جواد:قومي لازم تاكلي لش شي.
دانه:م ماأبغى.

جت شيماء ومعاها ساره و هناء:دانوه قومي الغذى كبسة لحم الا تحبيها.
دانه ماردت.
ساره:خلاص خلوها ترتاح.
شيماء:اي ترتاح ماتشوفيها ضعيفه و جواد قال لازم تاكل...هيه عرفت كيف بقعدها أخذت جوالها وحطت أقوى وأعلى نغمه.
دانه بتعب:اففف ويش هالأزعاج..صدقوني ماأبغى غذى أبغى أرتاح.

سمعوا دق على الباب .. هناء و ساره لبسوا عبيهم.
شيماء:أدخـل.

جواد وهو داخل:صحت؟؟
شيماء:مو راضيه.
جواد:خلاص تركوها ليما تقعد منها لنفسها.

تركوها وراحوا يتغذوا .. بعد الغذى سبحوا البنات في البركه وبما أن هناء ماتعرف تسبح وشيماء وساره يعرفوه فصاروا يروحوا ابعد مكان في البركه عشان يسولفوا على راحتهم..

قاموا من البركه في المغرب عشان يصلوا .. لقوا دانه صحت وقاعده تصلي .. اتمسحوا وصلوا......

هناء تحوس في جوال دانه:دانه عندش تسعطعش مكالمه لم يرد عليها.
دانه: من عند من ؟؟
هناء:ثلاث من عند زهره وثنتين من عند عقيله وأربع طعش من عند دلوعه و رساله.
دانه:دلع أتصلت!!!!!!! جيبي جوالي ..أخذته جوالها فتحت الرسالها..
"هلا دانتي.
أتصلش ليش ماتردي عسى ماشر.
دانه ولله أشتقت لش"
أتصلت بس مارد عليها .. اففف ماترد.
هناء:من هي؟؟
دانه:دلع صديقتي.
هناء:كلميها بعدين أو بكره.
دانه:يلا نطلع.

بعد العشى ردت اتصلت بس مايرد فنامت.

ــــــــــــــــــــــــــــــــــــــــ

#في الجبيل#

كان قاعد ابروحه في الرمل ..ايفكر فيها مو قادر ينساها أو يشيلها من باله مع أنه طلع من جو البيت الي يذكره بالكف الي عطاه اياها أبتعد عن ساره لأنها تذكره ابها ..طالع أصدقائه وكانوا مستانسين الي يرقص والي يضحك والي يطبخ العشى ..أتنهد من قلب..ياترى شنو بيكون مصيري!!؟؟

جى له واحد من أصدقائه.....
بيان:سلمان ليش قاعد ابروحك؟؟ قوم أرقص معانا.
سلمان:مالي نفس.
بيان:على الأقل قوم أقعد معانا شوف مهديوه و علوه كيف يرقصوا.
سلمان:خلاص جاي الحين.

بقى في مكانه أشوي بعدين راح قعد معاهم.....
وائل:سلمانوه تعال أشوي لحم.
سلمان:وليش ماتشويه أنت.
وائل بصوت بنوتي:أبغاك معاي ماأقدر أسوي شي من دونك حبيبي.
سلمان:حبيبتي أنا ماأقدر أكل شي مو من ايدش.
وائل بحركات خجل:سلماني ماأقدر على كلامك الحلو أنت اتج ..سمع صوت جواله
وائل يدور الجوال وهو فرحان:شباب وين جوالي ؟؟
سلمان رافع الجوال:عندي.
وائل راح ياخذ الجوال بس سلمان مارضى يعطيه اياه.....
سلمان:من هي المتصله ؟؟
وائل:جيبه قبل مااتسكر.
سلمان:أول قولي من هذي ؟؟
وائل:يالغبي هذي خطيبتي..أخذ من عنده الجوال وراح يكلم بعيد عنهم.

بعد خمس دقايق رجع لهم.....
علي:هاه شبعت من صوتها
بيان:الحبيب مابيتعشى خلاص اشبع.
مهند:ماعليك منهم تعال كمل شغلك.
وائل:سلمان قوم سوي الحم معاي.
سلمان:انزين.

قاموا سوو الحم وشوه .. وائل كان ايحاول انسي سلمان أمل ويخليه على طبيعته وسلمان فهم هالشي واتجاوب معاه.

ــــــــــــــــــــــــــــــــــــــــ

#بيت أبو حسن#

أمل ملت من غرفتها وراحت غرفة أختها زهراء وكالعاده كانت تقرى قصه.....
أمل:اففففف انتي كل تقري قصص.
زهراء:يعني ويش تبغيني اسوي.
أمل:قعدي معاي أو مع حنان أو
زهراء تقاطعها:انتي دايم مع صديقاتش اما يجوا لش أوتروحي لهم أو تطلعوا مع بعض..أمي و أبوي دايم يطلعوا مع بعض..حنان طول يومها اتشاهد و حسن وحسين نفس الشي دايم يلعبوا..يعني ويش تبغيني اسوي..حطت يديها على وجهها وصاحت.
أمل على طول صاحت معاها

بعد فتره.......
أمل:اسفه زهراء ولله اسفه..أني غبيه ماكنت أحس.
زهراء تمسح ادموعها:لا أني الي أسفه انفجرت عليش.
أمل:لا عادي..امممم عن ويش القصه الي تقريها؟؟
زهراء:عن ويش يعني أكيد الحب..ماقلتيلي شو صار مع سلمان.
أمل:مايحتاج اتكلم في هالموضوع.
زهراء زعلت:هيه روحي اتكلمي فيه مع صديقاتش.
أمل:لا لاتزعلي بقولش.
زهراء عدلت قعدتها:يلا قولي.

قعدوا يسولفوا ليما نعسوا وراحت أمل غرفتها وهي لايمه نفسها على أنها ماتقعد مع أختها واجد.

ــــــــــــــــــــــــــــــــــــــــ

اليوم التالي.

صلت الفجر حاولت اترد اتنام بس ماقدرت قعدت تفكر في كلام جواد والي صار معاه..ظلت اتفكر ليما شافت الساعه صارت سبع حست بالجوع فقررت تروح المطبخ تشوف لها شي تاكله..لبست عباتها أحتياط وراحت.

فتحت الثلاجه ادور بيض مالقت فنزلت من مستواها عشان تشوف اذا في في مكان ماشافته الا تسمع صوته وهو يغني.
جواد وهو ماشي ناحية المطبخ:تغيب وتغلى يعني دلع ولا بقلبي تتسلى بقلبي تتسلى.
غمض عيونه..ياويل قلبي ياويلـــي ويل قلبي ياويلــــــ
اصطدم وجهه بباب الثلاجه..طبعا باب الثلاجه محطوط فيه تعليقات على شكل فواكه..طاح..الباب من ضربة جواد انرد ضرب يد ساره الي قاعده في الطرف الثاني.
جواد:اه
ساره اتعورت بس راحت اتشوف ويش صار فيه:صار لك شي؟؟
جواد يلمس جبهته:شكلي انجرحت..لأن جبهته ضربت بتعليقات الي كانت على باب الثلاجه.
ساره راحت ادور الصيدليه و جواد يتبعها بنظراته..أخذت لصقه وديتول وقطنه رجعت له عطتهم اياه.
أخذهم راح ايحطه له وهو يطالع مكان الجرح في المرايه:اااااح.
ساره بخوف:ايعورك.
جواد ايطالعها من المرايه:لا أختبر أهتمامش.
شغلت نفسها بتطليع البيض بعد ماشافته و الزيت.
جواد لف طالعها:ليش ماتقوليها تريحني.
ساره بلعت ريقها: ساكته
جواد:الظاهر اني كنت غلطان..مشى عشان بيطلع.
ساره:جواد لحظه..لف ايطالعها..أخذت نفس طويـــــل..أني
شيماء تنزل من الدرج:ســاره..دخلت..أنتي أهني..شافت المقلى..ويش بتسوي؟؟
ساره:بيض.
جواد(اففف هذا وقته).
شيماء:جواد تبغى بيض ؟؟
جواد:شكرآ مايحتاج باروح لهادي افطر معاه.
شيماء:ليش حاط لصقه في جبهتك ؟؟
جواد:انجرحت..يالا فمان الله.
تركهم طلع ركب سيارته حركه..اااااااه كانت بتقولها..ويش هالأحساس الغريب الي أحسه..أحس أن فرحتي مابدوم..حاول ايباعد هالأفكار عنه بس يحس أنه مابيسمع هالكلمه من ساره {أحبك}.

أول ماوصل عند بيت خالته دق على هادي....
جواد:هلا.
هادي:اهلين.
جواد:أنا برى.
هادي:أدخل فتحت لك المجلس.
جواد:زين باي.
هادي:باي.

قفل سيارته دخل البيت راح المجلس.......
قعد على الكنبه غمض عيونيه راسه مسندها على حافة الكنبه.

دخل هادي خاف عليه مس شكله كان يبين عليه تعبان.

هادي:جواد ويش فيك؟؟
جواد فتح عيونه:أعترفت لها.
هادي:احلـــــــــــف.
جواد اتنهد:هادي أنا مو مطمن.
هادي:ليش ؟؟
جواد:أحس فرحتي مابدوم.
هادي:هي شقالت لك ؟؟
جواد:مو هذا الي أقصده.
هادي:عجل شو؟؟
جواد:أنا خايف..طالع الأرض..أنا لحد الحين ماأعرف وين الصوره.
هادي:يووووووه كيف راحت عن بالي..أنت قلت أنك سألت تينا قالت ماتدري بس أرتبكت معناة عندها.
جواد:وأذا مو عندها.
هادي:صدقني عندها.
جواد:خلاص بسألها.
هادي بحماس:يلا قول كيف قلت لها وكيف كانت ردة فعلها وين وفي اي وقت.
جواد:هههههه تبغاني أقولك كل هذا.
هادي:هيه يالا قول.

بعد ساعتين اتصل له ابوه........
ابو جواد:جواد تعال لنا المزرعه بنرجع البيت.
جواد:اوكيه الحين جاي.

جواد:يالا هادي أشوفك بعدين..سي يو.
هادي:بيباي.

رجع المزرعه ركبوا معاه البنات .. ابوجواد ام جواد معاهم تينا وصلوا البيت قبلهم لأن جواد وصل هناء البيت ومشاهم اشوي بعدين رجعوا البيت وهم فرحانين.

دانه راحت غرفتها فتحت الماسنجر بس ماشافت دلع>>قيس..فتكلمت مع صديقتها عقيله.

دانــــــــــة§الحيــــــــــاه§:هاااااااااااااااا اي.
ولله~ مايسوى~ أعيش ~الدنيا~ دونك:هااااايااااات.
دانــــــــــة§الحيــــــــــاه§:ياربي عقيلوه وحشتيني واجد.
ولله~ مايسوى~ أعيش ~الدنيا~ دونك:ههههه العن شكلش لو وحشتش كان اتصلتيلي.
دانــــــــــة§الحيــــــــــاه§:
أشغال الدنيا يابنتي.
ولله~ مايسوى~ أعيش ~الدنيا~ دونك:دانوه متى عجزتي ؟؟
ولله~ مايسوى~ أعيش ~الدنيا~ دونك: >> يابنتي.
دانــــــــــة§الحيــــــــــاه§:هههههههههههههه.
ولله~ مايسوى~ أعيش ~الدنيا~ دونك:هههههههههههه.
دانــــــــــة§الحيــــــــــاه§:عقيلوه قربت حفلة أختي بتجي ؟؟
ولله~ مايسوى~ أعيش ~الدنيا~ دونك:الله كشخه أكيد باجي بس متى؟؟
دانــــــــــة§الحيــــــــــاه§:يمكن ليلة الجمعه.
ولله~ مايسوى~ أعيش ~الدنيا~ دونك:يعني السبوع الجاي ؟؟
دانــــــــــة§الحيــــــــــاه§:هيه يمكن..أبغاش اتجي بارويش ساره أمل حوراء فاطمه.
ولله~ مايسوى~ أعيش ~الدنيا~ دونك:ياااااي هيه أبغى أشوفهم.
دانــــــــــة§الحيــــــــــاه§:هيه باعرفش عليهم.

أنتبهت أن دلع >>قيس..سجلت دخول.

دانــــــــــة§الحيــــــــــاه§:عقوله أشوفش بعدين.
دانــــــــــة§الحيــــــــــاه§:بايـــــات.
ولله~ مايسوى~ أعيش ~الدنيا~ دونك:بايووو قلبوو.

كلمت دلع>>قيس....

دانــــــــــة§الحيــــــــــاه§:هلا بالحلوين.
دانــــــــــة§الحيــــــــــاه§:
كيفك؟؟
دانــــــــــة§الحيــــــــــاه§:توه نور الماسنجر..ولله أشتقت لش.
{دلع} ومن {الدلع}محرومه:بل بل اشوي اشوي علي كل هذا مشتاقه لي.
دانــــــــــة§الحيــــــــــاه§:هيه ولله اشتقتت لش.
{دلع} ومن {الدلع}محرومه:أما أنا نفسي أشوفش مره ثانيه.
دانــــــــــة§الحيــــــــــاه§:دلعوه أنتي كل تكتبي أنا أخاف أخوش يكلمني مو أنتي.
{دلع} ومن {الدلع}محرومه:هههههه لا لأني متعوده من كثر أخوتي.
دانــــــــــة§الحيــــــــــاه§:اهاااااا
دانــــــــــة§الحيــــــــــاه§:كيف كانت سفرتش.
{دلع} ومن {الدلع}محرومه:أحلى سفره في حياتي.
دانــــــــــة§الحيــــــــــاه§:اشتريت لش هديه عن اذا رأفتي بحالي وخليتيني أشوفش.
{دلع} ومن {الدلع}محرومه:وأنا بعد اشتريت.
دانــــــــــة§الحيــــــــــاه§:يعني باشوفش؟؟
{دلع} ومن {الدلع}محرومه:ماأعتقد.
دانــــــــــة§الحيــــــــــاه§:يعني أني اشتريت هديتي للهوى الطاير.
{دلع} ومن {الدلع}محرومه:صدقيني حالنا جذي أحسن.
دانــــــــــة§الحيــــــــــاه§:دلع بقولش شي أحس أني ماأقدر أقوله لغيرش.
{دلع} ومن {الدلع}محرومه:قولي عمري كلي اذان صاغيه.
دانــــــــــة§الحيــــــــــاه§:اذا بتتمسخري مابقولش.
{دلع} ومن {الدلع}محرومه:لا أمزح بليز قولي.
دانــــــــــة§الحيــــــــــاه§:أحس أني بديت أحب.

قيس مارد عليها.

دانــــــــــة§الحيــــــــــاه§:دلوعه وينش ؟؟
{دلع} ومن {الدلع}محرومه:من الي تحبيه وكيف؟؟
دانــــــــــة§الحيــــــــــاه§:اخو صديقتي..كيف ماأدري يمكن لأني دايم أشوفه بالصدفه.
{دلع} ومن {الدلع}محرومه:كيف بالصدفه؟؟
دانــــــــــة§الحيــــــــــاه§:ماعليش مني قوليلي شو أخر أخبارك؟؟
{دلع} ومن {الدلع}محرومه:دانوه بارويش صورة واحد ذابحني بس مو أحبه...

حط صورته في الصوره الشخصيه لماسنجر.

دانــــــــــة§الحيــــــــــاه§:قليلة حياه ليش ماخذه صورته ومن وين لش؟؟
{دلع} ومن {الدلع}محرومه:عجبتني وأخذتها.
دانــــــــــة§الحيــــــــــاه§:دلع هذا مايصير تاخذي صورة واحد تحتفظي بها..لو مثلآ أني قلت لحوراء ويش بيكون موقفش ؟؟
{دلع} ومن {الدلع}محرومه:تعرفي أن هذا قيس اخو حوراء.
دانــــــــــة§الحيــــــــــاه§:وانتي عارفه انه اخو حوراء ماخذه صورته.
{دلع} ومن {الدلع}محرومه:هيه عادي مافيها شي.
دانــــــــــة§الحيــــــــــاه§:مااتوقعتش جذي.
دانــــــــــة§الحيــــــــــاه§:باي.

سكرت الماسنجر..انسدحت على السرير صاحت.

قيس<<دلع اتصل لها بس ماردت فرسل رساله.

فتحت الرساله....
"دانه ولله العظيم أني مو زي ماتفكري أني كنت أمزح.
بليز ردي علي."

انتظر عشر دقايق اتصل لها.......
دانه بصوت مبحوح:الووه.
قيس<<دلع(اه صدق غبي):هلا.
دانه:اهلين.
قيس<<دلع:اسفه ماكنت أقصد.
دانه:دلع مالي خلق.
قيس<<دلع:انتي ليش اتصيحي.
دانه انفجرت خلاص:أني أحبه..وهي تتكلم اتشاهق..صار لي مده اتعذب من حبه..هو يلعب علي بس أني حبيته..أني ماأعرف الحب ولا أعرف كيف يحبوا بس الي أعرفه أني ماتمر علي ساعه ماأفكر فيه ولا أشتهي شي بس نفسي أشوفه..اتعبت ولله اتعبت..رجعت لصياحها.

قيس صخ مارد ماقدر يستوعب الكلام الي سمعه..بس بعد فتره انتبه لصياحها ماقدر يتحمله حاول يهديها ليما حس أنها بتهدئ سد الخط.

دانه سدت الخط من كثر اصياحها نامت من دون ماتحس.

قيس انسدح على السرير..حبتني دانه حبتني..هو مو امصدق هالشي..معقول الي كنت اتمناه صار..ااااااااه ولله أحبش ومو قاعد اتسلى ولله.

قام عن السرير فتح دولابه أخذ هدية دانه اتأملها بعدين راح غرفة حوراء......
قيس:حوحو بطلب منش طلب بس حلفي اتسويه.
حوراء كانت ترتب ثيابها:ليش احلف ماله داعي.
قيس:حوحو بليز.
حوراء:انزين قول.
قيس:أول حلفي.
حوراء:قلتلك ماله داعي احلف.
قيس:خلاص شكرآ ماتقصري.
حوراء:تعال ولله بسويه لك.
قيس اتشقق:ترى حلفتي.
حوراء:هيه ادري.
قيس ببتسامه:مو تنسي حلفتي.
حوراء اتنرفزت:اهوه زهقتني قوم كش عني.
قيس:افا أنا أكش يعني أطلع برى.
حوراء:ترى زهقتني بجد.
قيس:خلاص باقول.
حوراء:يلا قول.
قيس:اممم..مد لها العلبه..أعطيها دانه.
حوراء مو مصدقه:اي دانه ؟؟
قيس:صديقتش.
حوراء عودت لثيابها:لا تتمسخر واجد.
قيس:أنا اتكلم جد وأنتي بتعطيها العلبه لأنش حلفتي.
حوراء:قيس مو فاضيه لمزحك.
قيس:ولله العظيم ماأمزح.
حوراء:أسمع مستحيل أعطيها اياها..ويش تبغاها تقول عني..بعدين أنت ترضاها؟؟
قيس:أنا أحبها.
حوراء:روح قال ايحبها..تحلم أعطيها اياها.
قيس:بس انتي حلفتي.
حوراء:أصوم ولا أعطيها اياه.
قيس:مالت عليش.
تركها راح غرفته..سكر باب غرفته بقوه..عنيده..رمى بجسمه على السرير..أنا أدري لو قلت لفاطمه يعرف ماراح ترضى بتكون أعند من حورو..اففففففففففف.

اسير الحزن

#بيت ابوجواد#

ساره كانت ادور دانه لأن حاطين فلم هندي وتبغى تشاهده معاها.......

دقت باب غرفتها ماردت عليها دقت مره ثانيه و ماردت عليها فدخلت الغرفه.......
ساره:دانه..قعدت على السرير..شافت الدموع على مخدتها..دانه اتصيحي ؟؟
دانه غطت وجهها.
ساره:دانه قولي لي ويش فيش؟؟
دانه بدت اتصيح بصوت..ساره اخذتها في حضنها..مسحت على راسها.
انتظرتها لين هدئة........

دانه:ساره انتي اتحبي ؟؟
ساره ببتسامه:انتي اتحبي ؟؟
دانه نزلت راسها.
ساره:من هو حبيب قلبش؟؟
دانه: ساكته
ساره تنظر جوابها.

دانه:قيس اخو حوراء.
ساره:قيس!!!!!!!!!!!!!!!!!!!!!!!!!كيف ؟؟
دانه:ماأدري.
ساره سكرت الباب قعدت قبال دانه:قولي كل شي بالتفصيل.

دانه قالت لها كل الي صار من أول ماشافته في مزايا لين قال لها أحبش.

ساره:ماأتخيل أن الي تتكلمي عنه قيس.
دانه:ليش؟؟
ساره:لأن الحركات الي يسويها ماأدل على أنه قيس..غير جذي أني طول معرفتي لحوراء ماشفت منه ولا شي غلط.
دانه:اشمعنى أني ؟؟
ساره غمزت لها:يمكن صحيح ايحبش.
دانه:لا يلعب علي.
ساره:اممم بسأل حوراء.
دانه:ويش تسأليها ؟؟
ساره:بسألها بطريقه مو مباشره.
دانه:هيه كيف؟؟
ساره:مابقولش..يلا قومي انشاهد الفلم ذبحني..مسكت يدها قومتها بشكل مرح.

..........

كان بيطلع بس ذكر أنه بيسأل تينا عن الصوره..راح لها.....
جواد:تينا.
تينا:نئم >>نعم.
جواد:انتي متأكده ماشفتي صوره في سيارتي.
تينا:مايسوف سي>>ماشفت شي.
جواد:متأكده؟؟
تينا:انتا روح في ثوف مره تاني>>روح شوف مره ثانيه.
جواد:خلاص روحي.

راح سيارته ركب سكر الباب..يلا خلني اتأكد يمكن أنا ماشفت عدل..فتح الطبلون الا يسمع رنة جواله.........
جواد:هلا لؤلؤه.
لؤي:كم مره قلت لك لاتناديني جذي.
جواد:وانا شسوي اذا صوتك بنوتي.
لؤي:افف هذا صوتي ماأقدر أغيره.
جواد:أخاف لما تتزوج مايفرقوا بينك و بين مرتك.>>لأنه يشبه البنات وااااجد.
لؤي:مالت عليك من زينك عاد.
جواد:مايهمني كلامك لأني واثق من جمالي.
لؤي:انزين ماعلينا من هالكلام مابتجي؟؟
جواد:أنا في السياره الحين جاي.
لؤي:مع السلامه حبيبي.
جواد:انتبهي للعيال حبيبتي.
لؤي:هههههههه باي.
جواد:بيباي.
فتح الكراج حرك سيارته راح.....

ــــــــــــــــــــــــــــــــــــــــ

اليوم التالي

سلمان كلم ساره قالها تجهز أغراضها عشان يجي ياخذها.......
شيماء:ساروه ولله بشتاق لش.
ساره:ولا أني بسافر..اي وقت تبغي تشوفيني تعالي لي.
شيماء حاطه يدها على خدها بهدوء:جوادو بيشتاق لش.
ساره رمت عليها المخده.
شيماء:ويلي على الي يستحوا.
ساره مستحيه:شيماء خلاص.
شيماء:خليني أعبر عن مشاعري.
ساره:خلصت..قومي معاي بنزلها عشان اذا جى سلمان اكون جاهزه.

نزلوا تحت قعدوا يسولفوا في الصاله لين جى سلمان طلعت ساره.........

في السياره.........
ساره:وحشتني عمي وااااجد.
سلمان:بل ساروه يطلع منش غبار.
ساره:على ويش؟؟
سلمان:قلتي عمي من زمان ماسمعت هالكلمه منش.
ساره:مو أنت الا طلبت اناديك بسمك "~ساره لا تناديني عمي أحس أني كبير مع أني بعدي شباب~" << اتقلد كلامه.
سلمان:ههههههه بعدش حافضه كلامي.
ساره:أذكره كأنه أمس حتى أذكر أنك كنت بتوديني عرس وقلت لي أقنع أملوه اجي....أنتبهت لكلامها فسكتت.
سلمان ايطالع الطريق:ويش حالها ؟؟
ساره:ماأدري لما أوصل البيت بكلمها.

سكت وهي احترمت سكوته ولا قالت شي........

أول مادخلت البيت حطت أغراضها و على طول راحت تتصل لأمل..........
ساره:هلا املوه.
أمل:يابخيله ولا حتى اتفكري تتصلي على الأقل رسلي.
ساره:ماشاءالله عليش كل اشوي تتصلي ورسايلش امعبيه جوالي كل احذف يعني مالقيتي احد غيري اتحبيه.
أمل:سخفش يالسخيفه.
ساره:تعالي أني باروح أشتري لي ثوب حق حفلة شيماء.
أمل:هيه باروح معاش من زمان ماطلعنا مع بعض.
ساره:زين عجل باي بقول لحورو.
أمل:باي.
ساره:لحظه
أمل:نعم.
ساره:في ناس سألوا عنش.
أمل اتحاول تمثل البرود:هيه ويش قالوا ؟؟
ساره:مدام هذا ردش باي.
أمل:أنتي ماشفتيه كيف طالعني لما كنت في المستشفى.
ساره:ولله من حقه اذا حاب له وحده غبيه زيش.
أمل:ســـــاره
ساره:مو بس انتي غبيه حتى هو غبي ولله اتناسبوا بعض اولادكم بيطلعوا قمه في الغباء.
أمل:ساره مو كأنش سبيتينا واجد.
ساره:لا في تقدم قاعده ادافعي عنه.
أمل:خلاص باي.
ساره:يلي ماتستحي أني متصله.
أمل:افففف غيري الموضوع.
ساره:قلت لش غبيه.
أمل:ساره وبعدين معاش.
ساره:خلاص باي.
أمل:باي.

كلمت حوراء و لما خلصت راحت لسلمان......
ساره:اممم ماتبغى غدى؟؟
سلمان:اسعفيني بطباخش مليت من طباخ الشباب.
ساره:هههههه خلاص الحين بسويلك غدى عمرك مابتنساه..تركته راحت تسوي الغذى بكل فرح اتحس أن الأبتسامه مابتفارقها وكل هذ من جواد.

بعد ساعه خلصت الغذى نادته قعدوا يتغذوا......
سلمان:الله تسلم ايدش.
ساره ببتسامه:الله ايسلمك.
سلمان:ساره فيش شي متغير.
ساره بعدها مبتسمه:شنو ؟؟
سلمان:ماأدري من زمان ماشفتش فرحانه من قلب.
ساره(الله يفرح جواد مثل مافرحني).
ساره:باروح أشتري ثوب ابغاك اتوديني.
سلمان:بس ماأبغاش تتأخري لأن وراي دوام بكره.
ساره:لا مابتأخر.

على الساعه اربع اتصلت لها أمل قالت لها أنها بتروح مع أهلها وهناك بيجتمعوا وفعلآ خلصت كل شي راحت مع سلمان..وصلها المجمع قال لها تتصل له اذا خلصت..التقت بحوراء أمل واتسوقوا..في الأذان اتصلت لسلمان يجي ياخذها......
ساره:تعالوا احنا من زمان مارحنا الكرنيش ويش رايكم انروح بكره ؟؟
أمل:هيه أني نفسي اروح من زمان مارحنا.
حوراء:خلاص بكره انروح.
ساره:اوكيه باي.
حوراء أمل:باي.

ــــــــــــــــــــــــــــــــــــــــ

#بيت ابوقيس#

فاطمه ماراحت مع حوراء لأنها أشترت لها من سوريا..اتصلت لراشد لأنه طلع من المستشفى...........
راشد:هلا حبيبتي.
فاطمه ابتسمت:أهلين.
راشد:فطومتي نفسي اشوفش.
فاطمه:اممم انت كيف حالك؟؟
راشد:بخير وعن قريب بيشيلوا الجبس.
فاطمه بفرح:صدق الحمدلله.
راشد:هيه يعني مابنأجل عرسنا.
فاطمه:أنت متأكد أنك بخير.
راشد:هيه والعرس مابيتأجل.
فاطمه مبتسمه:على راحتك.

ــــــــــــــــــــــــــــــــــــــــ

اليوم التالي.

كالعاده صحت من الفجر صلت رتبت البيت سوت الفطور وتوها بتروح اتصحي سلمان دق جوالها بنغمة الرسايل.........
"هلا
اسف على الأزعاج بس حبيت أقولش صباح الخير.
ولأني عرفت من شيماء انش تصحي سلمان هالوقت فقلت يمكن ماصحيتي و نغمة الرسايل بتصحيش.
أحبش...."

قرت الرساله أكثر من مره وهي قريب اتموت من الفرحه..تركت جوالها راحت اتصحي سلمان.


بعد الفطور طلع سلمان وهي من الملل رجعت نامت..صحت الساعه 12 ونص صلت أخذت جوالها لقت فيه رسالتين.........

"اذوب فيك وانت مهمليني والعب على نفسي واقول الحين بيكلمني"

"عارف أنش ماراح ترسلي ولا تتصلي وأنا حابب هالصفه فيش>>عادي حقريني بس أهم شي تقري رسايلي.
أحـــــــبش"

ابتسمت..الله ايخليك لي ولا يحرمني منك..راحت اتسوي الغذى وانتظرت سلمان....

بعد الغذى اتصلت لحوراء......
ساره:هلا.
حوراء:اهلين.
ساره:ها رائد وافق اتجي معنا الكرنيش؟؟
حوراء:اكيد وافق ماله داعي مايوافق.
ساره:خلاص مري علي عشان انروح مع بعض.>>بيت ابوقيس قريب لبيت سلمان والبيتين قريبين للكرنيش.

جت لها وراحوا مع بعض التقوا بأمل هناك..قعدوا على الحجاره الي عند البحر..........
حوراء:احليو الجو اهني.
ساره مبتسمه:اريح القلب.
أمل:أما أني برجع البيت ضاق خلقي.
ساره:مفروض مايضيق خلقش لأن اهني اتقابلتي مع سلمان أول مره.
حوراء:أمل أنتي بعدك اتحبيه؟؟
ساره:اتحبه بس ماتبغى تعترف بهالشي..أني ابغى أعرف ليش انتي معانده هو يحبش وانتي اتحبيه.
أمل:ساره أنتي ماجربتي اتحبي عشان اتقولي جذي.
ساره ببتسامه:من قالش أني ماحب.
حوراء:حلفي اتحبي.
ساره:وليش بكذب عليكم.
أمل:ساروه أنتي متأكده.
ساره ابتمست:أموت فيه.
حوراء وأمل:أكيد جواد.
ساره:هههههههه شمعنى جواد؟؟
حوراء:لأن من رجع من السفر وانتي معفوسه.
أمل:ولأن كل مايطروا أسمه ترتبكي.
ساره:تدروا أول مره أحس بالفرحه من قلبي.
حوراء:هو يحبش!!!؟؟؟
ساره ضامه رجرليها مبتسمه:هيه.
أمل:كيف عرفتي ؟؟
ساره:هو قالي وشيماء قالتلي.
حوراء:وماقلتي لينا..ماله داعي طول هالوقت ماتقولي.
ساره:بقولكم الحين

قالت لهم كل الي صار.....

أمل:اللــــــه رومنسي.
حوراء:ساروه مايناسبش اتحبي.
ساره ببتسامه:هذا الي صار.
حوراء:وأني أقول ليش اتوزعي ابتسامات.
ساره:تدروا كنت أحس أن حياتي مالها معنى أعيش عشان القى أمل لحياتي جواد زرع الأمل في.
أمل:ليش اتعبي نفسش وادوري هذاني قدامش.
ساره:ههههههههههه.
حوراء:اضحكي وش وراش الا اتحبيه يحبش.
ساره:انتي رائد يحبش.
حوراء:هيه يحبني بس ماحس أني أحبه الحب الحب لدرجة أنه ولا مره سمع مني كلمة أحبك.
ساره:هذي مشكلتش مو مشكلتي.
أمل:ساره عندش ماي؟؟
ساره:لحظه بطلعه..عطتها الماي.
ساره:تدروا منهو الشخص الي أحسه مابيحب.
أمل و حوراء:منهو؟؟؟؟
ساره اتطالع حوراء:أخوش قيس.
حوراء:هههههه هههه
أمل:حورو فضحتينا أحنا في مكان عام.
ساره:ليش تضحكي؟؟
حوراء:قيسوه طالح في الغرام من زمان.
أمل:مايناسبه أبد.
ساره:منهي حبيبة قلبه؟؟
حوراء:مابتتوقعوها.
أمل:يعني نعرفها؟؟
حوراء:تعرفوها عدل.
ساره بحماس:من هي قولي بسرعه.
حوراء:دانه بنت خالش.
ساره وأمل:حلفي!!!!!!!!!!!!!!!
حوراء:ولله العظيم..هو شافها في حفلة خطوبتي ومن ذاك اليوم وهو يقنعني انروح نخطبها.
ساره:وليش انتي مو مقتنعه؟؟
حوراء:لأن دانه صغيره ماتبغى تتزوج الحين وقيس يبغى الحين.
ساره:الفرق بينش و بينها سنه وحده يمكن اتوافق.
حوراء:اممم شرايش تسأليها.
ساره فيها ضحكه:خلاص بسألها.

ــــــــــــــــــــــــــــــــــــــــ

#بيت ابوقيس#

دانه تكلم قيس>>دلع في الماسنجر........

دانـــــــــــة§الكـــــــــــون§:أنتي مو فاهمه أني متأكده أنه يلعب علي.
{دلع} ومن {الدلع}محرومه:اوكى واذا طلبش بتوافقي.
دانـــــــــــة§الكـــــــــــون§:قلتلش مايحبني.
{دلع} ومن {الدلع}محرومه:أنتي بتجيبي لي السكته قلبيه جاوبيني على قد سؤالي.
دانـــــــــــة§الكـــــــــــون§:مدري بس شي أكيد بوافق مستحيل اضيع الي أحبه.
{دلع} ومن {الدلع}محرومه:كلوووووووووووووووووووش
دانـــــــــــة§الكـــــــــــون§:ولا هو طلبني.
{دلع} ومن {الدلع}محرومه:تفائلوا بالخير تجدوه.
دانـــــــــــة§الكـــــــــــون§:قاعده تحلمي شكلش.
{دلع} ومن {الدلع}محرومه:واذا طلبش وش بتسوي.
دانـــــــــــة§الكـــــــــــون§:بتكوني أول المعزومين..
دانـــــــــــة§الكـــــــــــون§:خخخخخخخخخخخخ.
قيس(هذا شي أكيد).

ــــــــــــــــــــــــــــــــــــــــ

بعد أسبوع.............

#بيت ابوجواد#

كانت العايله موجوده عشان العقد لأنهم بيعقدوا في البيت والحفله في صاله .. شيماء جت من الكوافير معاها دانه ساره أمها خالتها جيهان .. وقعت العقد وهي ترتجف بعدين باركوا لها وراحوا الصاله عشان الحفله هناك....

ــــــــــــــــــــــــــــــــــــــــ

أمل تكلم حوراء.................
أمل:أنتي خلصتي ؟؟
حوراء:هيه خلصت.
أمل:وفاطمه؟؟
حوراء:خلصت.
أمل:عجل الحين باجي مع خالي.
حوراء:كلمتي ساره؟؟
أمل:هيه قالت انهم في الصاله الحين.
حوراء:اهاا خلاص تعالي الحين.
أمل:باي.
حوراء:باي.

لبست عباتها نزلت لراشد تحت....
أمل:يلا خالي خلصت.
راشد:واو أموله طالعه ملاك.
أمل مبتسمه:شكرآ.
راشد:أنتي رحتي الكوافير مع فاطمه؟؟
أمل:هيه.
راشد:ليش ماقلتيلي أنا أوصلكم بدل قيس؟؟
أمل:لأن أتصلت لك مشغول حتى فاطمه اتصلت وطلع مشغول.
راشد:يلا بسرعه خلني أشوف القلب.
أمل:هههههههههه.

طلعوا ركبوا السياره راحوا بيت ابوقيس .. دقت على حوراء .. طلعوا حوراء فاطمه ركبوا السياره..............
فاطمه حوراء:السلام عليكم.
أمل راشد:وعليكم السلام.
فاطمه:ويش حالك راشد؟؟
راشد:الحمدلله بخير وانتي؟؟
فاطمه:بخير.
حوراء بصوت واطي:املوه حر مكياجي بيخترب..فحت.
أمل:انزين الحين برفع عليه.

بعد ثلث ساعه وصلوا الصاله .........
راشد:فاطمه لاتنزلي أبغاش لحظه.
حوراء و أمل نزلوا من السياره.....
راشد:أبغى أشوفش.
فاطمه:تشوفني أهني!!!!
راشد:سيارتي مخفي.
فاطمه بخجل:أستحي.
راشد مبتسم:مو اول مره أشوفش؟؟
فاطمه:لا مو جذي بس مدري ليش مستحيه.
راشد:فطوم ترى مابخليش اتروحي.
فاطمه بدلع:راشــــــد.
راشد:ياقلب راشد انتي.
فاطمه:انزين غمض عشان أعدل نفسي.
راشد غمض وهو يبتسم.

فاطمه:خلاص فتح.
راشد فتح عيونه :لالا أنتي مو زوجتي أكيد بدلوش.
فاطمه:راشد بلا مصاخه.
راشد:أحبــــــــــــــش ولله قمر.
فاطمه استحت:اوكيه باروح لا أتأخر.
راشد:لما اتخلصوا كلموني.
فاطمه:انشالله..غطت وجهها نزلت.

..........

حوراء وأمل كانوا ايدوروا طاوله عشان ايحطوا أغراضهم فيها وشافوا دانه........
دانه:متى وصلتوا؟؟
أمل:تونا الحين.
حوراء:وين ساروا أبغى أشوفها.
دانه:ساره داخل مع شيماء...تعالوا بعرفكم على صديقتي.


دانه:السلام عليكم.
عقيله وكوثر:وعليكم السلام.
حوراء وأمل سلموا عليهم باليد.
عقيله مبتسمه:وش حالكم؟؟
حوراء وأمل:الحمدلله بخير.
دانه اتعرفهم على بعض:هذي حوراء .. هذي أمل...عقيله أختها كوثر.

قعدوا معاهم في نفس الطاوله واتعرفوا على بعض أكثر وأكثر ليما جت لهم ساره الي كانت مع شيماء تهديها لأنها متوتره.


الي كانت اتغني غنت غنية~منو غيرك~ .. ساره حوراء ايموتوا في هالغنيه على طول ركبوا الجسر رقصوا....

عقيله بصوت واطي:كوكوه حوراء احليوه.
كوثر:هيه وأني وش اسوي لش اتعرفي عليها.
عقيله:العن شكلش يالسخيفه.
دانه:عقيله قومي رقصي.
عقيله:لا استحي.
دانه:اني باقوم ارقص .. أمل اتقومي معاي؟؟
أمل:يلا قومي.

كانت الحفله قمه في الروعه خصوصي مع رقص البنات.

بعد نص ساعه قالوا لهم أن شيماء بتدخل.....

طفوا الأنوار ظلوا بس بالكهارب .. كان الجو رومنسي والناس كلهم فرحانين...........

دخلت على موسيقى هادئه رومنسيه و الكل ايطالعها ويشوف جمالها .. كان جواد هو الي يعزف من برى الصاله.


لسماع
http://www.zshare.net/audio/kitaro-mp3.html

قعدت على الكرسي المخصص لها ولهادي .. بدت الي تغني: الف الصلاة والسلام عليك ياحبيب الله محمـــــــــــــــد.

البنات راحوا يباركوا لها .. بعدين كملوا رقصهم................


شو راح يصير لما ايجي هادي؟؟
معقول ايكون احساس جواد صحيح وماتكمل فرحته مع ساره؟؟
تتوقعون جواد بيلقى الصوره وله بيشوفها أحد غيره؟؟

اسير الحزن

اسير الحزن