انت الهوى

اميلووو

ياطول صبري من الهجران ياخلَّـي
والرَّوح مِنَّي ومن هـمٍ يكابدهـا
إنتَ الهوى وكـلَّ الكـلِّ بالكـلِّ
وإنتَ الَّلذي بالهوى روحي تعذَّبهـا
ياخلِّ غيرك على الدَّنيا أنا من لـي
ياكيف دايـم تصدَّينـي متاعبهـا
مضمون حبَّك على الخفرات متعلَّي
يامن وحوش الخلا تطرد مقاودهـا
إرحم صويبٍ براه الشوق معتلَّـي
وجروح راعي الهوى عيَّت طبايبهـا
دعواي دعواك دعوىً مالهـا حـلِّ
لي طلبةٍ لـو بعـد مـرَّه تنفَّذهـا
لو بس شوفك بعض الايَّام يحصل لي
يزول همٍ علـى نفـسٍ يراودهـا
كنَّ بأعيانك سهام المـوت ينسـلِّ
وخيول جيشك تهدَّدنـي ركايبهـا
إن كان يازين هذا الحال راضٍ لـي
حذراك الايَّام ما تصفـو مشاربهـا
الخد نوره ببـاب الَّليـل مشعلَّـي
يسنى على دار ماعد بـه قرايبهـا
والعين عين أشقرٍ للصَّيـد منخلَّـي
وأنا الَّلذي صرت في مدماك صايدها
ألا واخساره حسايف مامضى علَّي
أتعبت الأقدام عن فاضي عمايدهـا

منقول