الحقووا واحد مقابل خويته بــ محل ابو ريالين

مشاغــــــب

اخليكم مع هالولد
8
8
8
8
8
8
امس بعد صلاة العشاء تقريبآ عطتني أختي 25 ريال وقالت جب مناكير لونه موفي ... ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل أبو ريالين واشتريلها من هناك وتحمد الله وتشكره << ماخطط على ال 23 ريال ابد
وصلت للمحل وللأسف مالقيت ملبق لسيارتي الا بحدود مشي عشر دقايق رجلية وتفاجئت يوم وصلت للمحل أبو يمن واقف بالبوابه ومنعني من الدخول يقول الدخول للعوائل فقط لاحوووووووول حتى محل أبو ريالين صار للعوائل بعد ؟! يابن الحلال كلها دقيقتين بشتري مناكير وابطلع وأبو يمن مافيه امل يوافق وناظرته بعين حارة وقلت والله ماينفع لك الا حركة من حركات الفيصلية وقفت عند الباب لين ماوقف جمس ونزل عشر حريم معهم شنطه بها ترامز شاهي وقهوة ومعهم فراش وعربيه يدفون بها بزر تحلفون بالله إنهم رايحين لستار ستي مهوب محل ابو ريالين @#؟
مشيت جنب البزر وامه تدفه بالعربية ويوم وصلنا للباب نزلت راسي وبديت ألعب عليه إغااااااااااء وأناظر أمه وأقوله أنتي جايبتن رضاعته؟ وأبو يمن يقول أيووووه ياخخخي من الأول جيب أهلك طبعآ مع الربشه وشدة الزحمة ماقدرت الأم تسوي شي والا اشوفها تناظر شنطتها وتناظر راسي تناظر شنطتها وتناظر راسي عاد طلعت ريال وحطيته بعربية البزر عن قولة شكرآ اخاف اقول لها شكرا وتشكرن هي بالشنطة
أول مادخلت المحل فقدت الاتصال بالعالم الخارجي لأني اول مره اشوف زحمة زي كذه هذي تسحب شماغي؟ وهذي تدف؟ وهذي تقول وخخخر لو سمحت ثمن مادري الا وهي شايتتني بووووووز آخر شي بدوا يوطوني ؟ توي ادري ان السعوديات جلوووف << وين البنانيات عنكم وين <<< مهوب منجلد ابد
مشيت بالمحل بعد معاناة وكل من شفته سألته وين احصل قسم المناكير ومشيت لين شفت لي وحده فاتشة ومبوبزة لفت انتباهي المنظر وتعلثت بهالسؤال بعد ماتنحنحت طبعا لو سمحتي وين القى المناكير فيه؟ وعينك ماتسمع الا يامناحي يامحماس تناديهم ؟! وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟
المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين هذي تصارخ على ابو يمن وتقوله قايلتلك أبي عشر درازن من دفتر ابو ستين وينها؟ ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلا ويوم قربت لها سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد
طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر
مشيت أدور عن المناكير وفجاة مسكت ايدي عجوز وقالت الله يوفقك ويخليك لميمتك ساعدني باغراضي وصلها للمحاسب واعطيك كاتبة الله قلت لها تامرين امر وحبيت راسها تقدير واحترام ويوم شفت العفش اللي هي مجمعته بزاويه قلت لها والله لو تعطين افغاني 500 ريال ماشالها لك نعنبوا ابليسها ماخلت شي ماشرته ؟ قالت تعال واعطيك اللي تبي قلت والله لو تقولين لي وين مكان المناكير ماشلتها لك
المهم مشيت وخليتها لين وصلت لآخر المحل وحصلت قسم مافيه ناس كثير وحصلت لي شاب مرسم يناظر مجموعة ورود اعجبتني رومانسيته وسألته عن المناكير قال انا مشغول استغربت مشغول@# ؟ وحسيت انه مرتبك وبوقتها دق جواله واثرها خويته متواعدين المهم مشى لمها ومشيت وراه لين تقابلوا ويسلم عليها كيفك حياتي؟ وهي بخير ياعووومري وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟ قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك رفضت وقلت له انا مستعجل قال خذ 20 ريال اطلع من محل ابو ريالين واشتر من محل غير هذا على باله يبي الفكه قلت له انا أبي عشر علب مناكير مهوب وحده قال مهيب مشكلة خذ 200 بس فكنا انبخخخخخخ اخذت الفلوس
ومالقاها الا اختي جبت لها ثلاث علب مناكير من زود الفسقه
مايستفاد من الموضوع:
ليش المكتبات كانو لاعبين علينا اجل دفتر ابو سلك كان يبعونه بستة تريل وابو ريالين صاروا يبوعون بريالين>>الله ابو الفايده الي تعرفها

_________________________

بإنتظار ردودكم

أهلاآآآ وسهلاآآ بكم في موقعي الجديد ............موقع So0o Co0ol
للسططلاع على الموقع ارجو الدخول على الرابط إلى بلأسفل ........
http://co0ol.top-me.com/index.htm

دمع السحاب

دمع السحاب

هههههههههههههههههههههههههههههههههههههههههه
والله الغث الناس ماخلو مكان مراحوله

لذة الحب

هههههههههههههههههههههههههههههههههههه

1) قصة مسلية يامشاغب ..
2) تستاهل ماجاك ايش موديك ابو ريالين وانت عارف ان الحريم يموتون فيه في موسم وغير موسم ...
3)وهذا الطفس مالقي يقابل حبيبته الا عند ابو ريالين يعني هذا مستواها عنده .........زين ماختار!!!!!!!!!
4)المكتبات اول جلدت ظهورنا واحنا ساكتين يامال الضعفة لكن لما فتحت محلات ابو ريالين فضحتهم بس بعد ايش ..؟!!

اخيرا .........تقبل مروري يا شغوبة ....

على الجرح قادر

الله يحمكي الى اهلك كامك خفيف

على الجرح قادر